Yoano 10:16 - MUKANDA USANDU WA ZAMBI 1975

¹⁶ Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Mukanda Wa Zambi 1970

¹⁶ Mapanga akwo nguli no waze keeshi mu tanga lino. Changutamba kwaneha nawa. Maakevwa liji liami, mba maakabwa chendo chimuwika ni kafunga umuwika.

Yoano 10:16 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Longeshi 12:11

Yambo ya akwa mana kuyapwa ngwe misongolwela mba yishima ya kukungulula yapwa ngwe mbambo ja kukolesa. Yeswe yinakatuka kuli Kafunga umuwika.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 56:8

Mwene Yehova mukwa kukonga A-Izalele aze haambila kanambe ngwenyi, Mungukunga kuli iye akwo nawa helu lia waze hanaakongo.

Ezekiel 34:12

Ngwe kafunga kakufupa mapanga jenyi muze amwe hakachi ko kanamwangana, chocho mungukafupa mapanga jami; mungukaapulula kweswako hanamwanganyina ha tangwa lia malelwa ni milima pwi.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Ezekiel 34:6

Mapanga jami amwanganyine; endanganyine ha milundu yeswe, ni ha mundundena weswe usuku. Mapanga jami amwanganyine hashi heswe; kukushi yoze mahengula hanji kwafupa.

Ezekiel 37:22

Mba mungukaapwisa vungu limuwika mu chifuchi ha milundu ya Izalele; mwanangana umuwika makaayula eswe; kechi kapwa nawa mavungu aali, ni kulihandununa mu mawanangana aali.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Luka 15:8

Hanji pwo muka mapwa ni kumi lia mbongo, kachi umuwika mamutoka, keshi kuwika ndeya, nikukomba mu zuwo, nikuhengula kanawa ndo mamuwana?

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

Yoano 10:2

Yoze manjilila ku chikolo iye mwe kafunga ka mapanga.

Yoano 10:27

Mapanga jami kakwivwavwa liji liami, yami ngunaanyingika, no kakungukaula:

Yoano 10:3

Iye, mukwa kufunga chikolo mamwazulwila; ni mapanga mevwa liji lienyi: iye matambika mapanga jenyi mwene ha majina jo, iye maatwala haze.

Yoano 10:4

Muze te hatuhwisa nienyi mwene eswe, maatetekela, ni mapanga mamukaula: mumu manyingika liji lienyi.

Yoano 10:5

Alioze chilambala kechi kamukaula, alioze mamuchina: mumu kanyingikine liji lia yilambala.

Yoano 11:52

ni hi vungu wika ko, alioze hanga akakungulule nawa kuli umuwika ana a Zambi waze anamwangana.

Yoano 17:20

Chipwe chalembele hali wano wika, alioze hali waze nawa mangufuliela mumu ha liji lio;

Yoano 6:37

Waze eswe Tata mangwaha, kumakeza kuli yami; ni yoze meza kuli yami chichi kamumbila haze nichimwe.

Yilinga 15:14

Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Yilinga 22:14

Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi.

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

2 A-TESALONIKA 2:13

Alioze chatutamba kusakwila kuli Zambi matangwa eswe hali yenu, mandumbu kananuzange chikolo kuli Mwene, mumu Zambi hananutongola chize ku uputukilo mukuzuka ulamwino, ku kusela ku usandu cha Spiritu ni kufuliela cha umwenemwene.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 2:10

Yenu, ha miaka ya kunyima kunwapwile atu aiioze haliapwila nuli atu a Zambi: te kunwawanyine keke, aiioze haliapwila hinunawane keke.

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

Usolwelo 3:20

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.