Yoano 10:11 - MUKANDA USANDU WA ZAMBI 1975

¹¹ Mwe kafunga mupema yami; kafunga mupema matumbika mwono wenyi hali mapanga.

Mukanda Wa Zambi 1970

¹¹ “Yami nguli Kafunga mubema. Kafunga mubema kanakunjika mwono wenyi hali mapanga jenyi.

Yoano 10:11 Iomraidhean Croise

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

Miaso (Masamu) 23:1

Yehova iye kafunga kami, chichi kuhona nichimwe.

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Yoano 10:2

Yoze manjilila ku chikolo iye mwe kafunga ka mapanga.

Yoano 15:13

Zango liahiana lino keshi nalio niumwe, kachi umwe matumbika mwono wenyi hali tusendo twenyi.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

1 Yoano 3:16

Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.