Yoano 10:10 - MUKANDA USANDU WA ZAMBI 1975

¹⁰ Mwiji keshi kwiza shina ha kwiya, akashihe, akonwone: yami nejile hanga akapwe ni mwono, hanga akapwe nawo wa kulumbama.

Mukanda Wa Zambi 1970

¹⁰ Mwiji kakwiza shina lume ha kwiya, ni kushiha, ni kwonona. Yami nejile hanga atu abwe ni mwono; mwono wakulumbama.

Yoano 10:10 Iomraidhean Croise

Izaya 56:11

Tuwa kali ni solo lia kulia, keshi kukuta. Tufunga nawa keshi yinyingi; eswe hanatalikisa mutu mu jila yenyi, mutu mu jila yenyi, mutu mweswe ku kufumbuka chenyi, e eswe lume.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:11

Mumu mwe Mwana Mutu haneza mukulamwina yoze watokele.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 21:13

Ngwenyi, Chinasonewa ngwo, Kumakavuluka zuwo liami ngwo, Zuwo lia kulembela: alioze yenu nwakulipwisa chiswamo cha mihuza.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Marku 11:17

Iye waalongesele, ngwenyi, Kuchasonewene, nyi? Ngwo, Kumakavuluka zuwo liami ngwo, Zuwo lia kulembela hali mavungu eswe? Alioze yenu hinunalipwisa chivwenge cha mihuza.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Yoano 10:1

Pundu, pundu, ngunambe kuli yenu ngwami, Yoze keshi kunjilila ku chikolo mu limba lia mapanga, alioze manyinyina kweka, mwenawo mwiji ni muhuza.

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

Yoano 12:47

Kachi umwe mevwa maliji jami, keshi kwafunga, yami chishi kumupatwiia: mumu chejile hanga ngukapatwile akwa hashi, alioze hanga ngukalamwine akwa hashi.

Yoano 12:6

Achi, kambile chino mumu wanyongene yiswale, ka; alioze mumu wapwile mwiji, ni se wapwile ni tuku, iye wambachile jize aselemo.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 5:40

alioze kunusolo kwiza kuli yami, hanga nukapwe ni mwono.

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

A-ROMA 2:21

yena kashika, wakulongesa mukwo, kushi kulilongesa yena mwene, nyi? Yena wakwambujola ngwe, Mutu kanda akeya, yena wakwiya, nyi?

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.