Yoano 1:48 - MUKANDA USANDU WA ZAMBI 1975

⁴⁸ Natanele yamba kuli iye ngwenyi, Kulihi yena unangunyingikina? Yesu wamukumbulwile, ngwenyi, Muze te Fwilipe kanda akutambika, muze wapwanga mushi lia mukuyu, nakumonanga.

Mukanda Wa Zambi 1970

⁴⁸ Natanele yamuhula ngwenyi: “Ngwe kuchi unangunyingika?” Yesu ngwenyi: “Nakumonanga muze wabwanga mushi lia mutondo mukuyu, shimbu te Filipe kanda achikutambika.”

Yoano 1:48 Iomraidhean Croise

Izaya 65:24

Mungukumbulula shimbu kanda achitambika; shimbu machihanjika mungwivwa.

Mateu 10:3

Fwilipe, ni Mbatolomeu; Tomase, ni Mateu mukwa kufwetesa lijimu; Tiangu, mwana Alefweu ni Lepeu, jina lienyi likwo, Tateu;

Mateu 6:6

Alioze yena muze mulemba, njila mu chipatulo che cha muchima, ni muze hiwájila pito lie, ukalembe kuli Tatenu yoze uli ku tenga, ni Tatenu yoze wakumona ku tenga, kumakakukundulula.

Yoano 1:44

Achi, Fwilipe wapwile wa ku Mbeteseta, lie limbo lia Andeleu ni Petulu.

Yoano 12:21

Wano kashika ejile kuli Fwilipe, yoze wa ku Mbeteseta, limbo lia mu Ngalileya, o amulembele ngwo, Mwane, tunazange kumona Yesu.

Yoano 14:8

Fwilipe yamba kuli iye ngwenyi, Mwene, tulweze kama mwe Tata, mba hikwahwa.

Yoano 2:25

kafupile umwe ashindakenye hali atu; mumu iye mwene wanyingikine chize chili muli atu.

Yoano 6:5

Yesu kashika ha kuhetula meso jenyi, nikumona mbunga yinene kaneza kuli iye, yamba kuli Fwilipe ngwenyi, Kulihi mutulanjila mbolo, hanga wano akalie.

Yoano 6:7

Fwilipe wamukumbulwile ngwenyi, Mbolo ja kufwika kulakaji aali a mbongo kujishi kuheta hali ayo, hanga mweswe wa kuli ayo akatambule chimwe chikepe.

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.