Yoano 1:46 - MUKANDA USANDU WA ZAMBI 1975

⁴⁶ Natanele yamba kuli iye ngwenyi, Chuma chipema muchihasa kukatuka ku Nazare, nyi? Fwilipe yamba kuli iye ngwenyi, Tweya utale.

Mukanda Wa Zambi 1970

⁴⁶ Natanele yamuhula ngwenyi: “Chuma chibema muchihasa kukatuka ku Nazare, nyi?” Filipe ngwenyi: “Tweya utale.”

Yoano 1:46 Iomraidhean Croise

Mateu 10:3

Fwilipe, ni Mbatolomeu; Tomase, ni Mateu mukwa kufwetesa lijimu; Tiangu, mwana Alefweu ni Lepeu, jina lienyi likwo, Tateu;

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Luka 12:57

Kuchi te chipwe kuli yenwene kunushi kupatula chize cha kululika.

Yoano 1:44

Achi, Fwilipe wapwile wa ku Mbeteseta, lie limbo lia Andeleu ni Petulu.

Yoano 1:45

Fwilipe yawana Natanele, yamba kuli iye ngwenyi, Hitunawane yoze asonekene Mose mu mikanda ya shimbi, ni aprofeta nawa, Yesu wa ku Nazare, mwana José.

Yoano 12:21

Wano kashika ejile kuli Fwilipe, yoze wa ku Mbeteseta, limbo lia mu Ngalileya, o amulembele ngwo, Mwane, tunazange kumona Yesu.

Yoano 14:8

Fwilipe yamba kuli iye ngwenyi, Mwene, tulweze kama mwe Tata, mba hikwahwa.

Yoano 4:29

Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Yoano 6:5

Yesu kashika ha kuhetula meso jenyi, nikumona mbunga yinene kaneza kuli iye, yamba kuli Fwilipe ngwenyi, Kulihi mutulanjila mbolo, hanga wano akalie.

Yoano 6:7

Fwilipe wamukumbulwile ngwenyi, Mbolo ja kufwika kulakaji aali a mbongo kujishi kuheta hali ayo, hanga mweswe wa kuli ayo akatambule chimwe chikepe.

Yoano 7:52

Amukumbulwile ngwo, Yena nawa uli wa ku Ngalileya, nyi? Hengula, utale, ku Ngalileya keshi kukatuka profeta niumwe.

1 Tesalonika 5:21

alioze esekenu yuma yeswe; kakaminyenu ku yize yinapeme.