Yoano 1:4 - MUKANDA USANDU WA ZAMBI 1975

⁴ Muli iye mwapwile mwono; ni mwono wapwile pangu lia atu.

Mukanda Wa Zambi 1970

⁴ Liji lize liabwile chishina cha mwono, we mwono wapangulwishile atu.

Yoano 1:4 Iomraidhean Croise

Miaso (Masamu) 49:6

Waze akufuliela upite wo, nikulenga mu kulumbama cha yikumba yo,

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Yoano 12:46

Hinguneza ngwe pangu hano hashi, hanga mweswawo mangufuliela, kechi katwama mu milima.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 3:19

Uno we upatwilo, ngwo, Pangu hilineza hano hashi, ni atu azangile milima, hi pangu ko; mumu yitanga yo yapwile ya ungulungulu.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 9:5

Shimbu nguli hano hashi, pangu lia hashi yami.

Yilinga 26:23

ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

1 Korintu 15:45

Chocho nawa chinasonewa ngwo, Mutu mutangu Alama wapwile mukwa mwono. Alama wa kusula kapwa Spiritu wa kuhana mwono.

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Kolosu 3:4

Muze makasolola Kristu, iye mwono wetu, hohene ni yenu nawa makanusolola hamwe nenyi mu uhenya.

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

1 Yoano 1:2

(hanasolola mwono, mba hitunamono, twakushindakenya, tunanwambulwila mwono wa mutolo, yoze wapwile hamwe ni mwe Tata, hanamusolola kuli yetu);

1 Yoano 5:11

Ni yino ye Shindakenyo ngwo, Zambi hanatwehe mwono wa mutolo; ni mwono uno uli muli Mwanenyi.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.