Yoano 1:32 - MUKANDA USANDU WA ZAMBI 1975

³² Yoano washindakenyene ngwenyi, Ngunakamona Spiritu kanahulumuka mwilu ngwe katele; kanakatwama hali iye.

Mukanda Wa Zambi 1970

³² Yoano yashindakenya nawa ngwenyi: “Namwene Mwiku wa Linanga nikuhulumuka ngwe liembe ni kutwama hali iye.

Yoano 1:32 Iomraidhean Croise

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Mateu 3:16

Muze te hamupapachisa, Yesu watutukile mu meya, ni kumanyi, malilu azulukile kuli iye, neye wamwene Spiritu ya Zambi kanahulumuka ngwe katele, nikwiza hali iye.

Marku 1:10

Haze hene ha kututuka mu meya, wamwene malilu a kupula mukachi, ni Spiritu ngwe katele kanahulumuka hali iye.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Yoano 1:31

Ni yami te chamunyingikine; alioze hanga akamusolole kuli A-Izalele, kashika nejile nikupapachisa mu meya.

Yoano 1:7

Mwenawo wejilile Shindakenyo, hanga akashindakenye ha pangu, hanga eswe ku Shindakenyo yenyi akafuliele.

Yoano 5:32

Yoze wakushindakenya hali yami, weka; ngunanyingika Shindakenyo yize akushindakenya hali yami yamwenemwene.