Yoano 1:31 - MUKANDA USANDU WA ZAMBI 1975

³¹ Ni yami te chamunyingikine; alioze hanga akamusolole kuli A-Izalele, kashika nejile nikupapachisa mu meya.

Mukanda Wa Zambi 1970

³¹ Yami te chamunyingikine, alioze nejile ni kupapachisa ni meya hanga ngumunyingikise kuli Aisraele.”

Yoano 1:31 Iomraidhean Croise

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 3:13

Hohene Yesu yakatuka ku Ngalileya yeza ku Yordau kuli Yoano, akamupapachise.

Mateu 3:6

waapapachishile mu lwiji Yordau, o nikushikisa milonga yo.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Yoano 1:30

Yono yoze nambile ngwami, Kunyima yami kumeza lunga, mwenawo kapwa kulutwe liami; mumu waliangile.

Yoano 1:32

Yoano washindakenyene ngwenyi, Ngunakamona Spiritu kanahulumuka mwilu ngwe katele; kanakatwama hali iye.

Yoano 1:33

Ami chamunyingikine; alioze yoze wangutumine mukupapachisa mu meya, wambile kuli yami ngwenyi, Hali mweswawo mukamona Spiritu kanahulumuka nikutwama hali iye, mwenawo yoze mapapachisa muli Spiritu Musandu.

Yoano 1:7

Mwenawo wejilile Shindakenyo, hanga akashindakenye ha pangu, hanga eswe ku Shindakenyo yenyi akafuliele.

Yilinga 19:4

Paulu wambile ngwenyi, Yoano chamwenemwene wapapachishile ni upapachiso wa kulikonyeka, nikwamba kuli atu, akafuliele yoze meza kunyima yenyi, Yesu te.