Yoano 1:30 - MUKANDA USANDU WA ZAMBI 1975

³⁰ Yono yoze nambile ngwami, Kunyima yami kumeza lunga, mwenawo kapwa kulutwe liami; mumu waliangile.

Mukanda Wa Zambi 1970

³⁰ Yono mwe nambile ngwami, mutu uneza kunyima liami, alioze kananguhiana yami, mumu wabwile kulu kulutwe liami shimbu kanda nguchisemuka.

Yoano 1:30 Iomraidhean Croise

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Yoano 1:15

Yoano washindakenyene hali iye, wakololokele ngwenyi, yono iye nambile ngwami, Yoze meza kunyima yami iye kulutwe liami: mumu iye waliangile.

Yoano 1:27

iye yoze meza kunyima yami, lusapo wa luhaku wenyi chatelele kumujitula.

Yoano 1:31

Ni yami te chamunyingikine; alioze hanga akamusolole kuli A-Izalele, kashika nejile nikupapachisa mu meya.

Yoano 10:41

Anji ejile kuli iye; ambile ngwo, Yoano, chamwenemwene, kalingile chilayi nichimwe; alioze yuma yize yeswe ahanjikile Yoano ha kutwala kuli yono mutu yapwile yamwenemwene.