Yoano 1:3 - MUKANDA USANDU WA ZAMBI 1975

³ Yuma yeswe yatangiwile ku tachi jenyi; katangile nichimwe chuma chize atangile shina kuli iye.

Mukanda Wa Zambi 1970

³ Zambi yatanga yuma yeswe ku ndundo jalio. Katangile nichimwe Chuma shina ni Liji.

Yoano 1:3 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Miaso (Masamu) 102:25

Ku shakulu wasele fundamentu ya hashi; malilu hapwa chitanga cha moko je.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Yishima 8:30

Kweswe napwile nenyi hamuwika ngwe chilangaji. Tangwa ha tangwa napwile nguli uwahililo wenyi, nikuwahilila kumeso jenyi matangwa eswe,

Izaya 45:12

Nalingile hashi, natangileho mutu. Moko ja yami mwene azazulwile malilu; yami natumine mbunga yako yeswe.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Yoano 1:10

Iye wapwile hano hashi, ni hashi hatangiwile kuli iye, ni akwa hashi kamunyingikineko.

Yoano 1:2

Mwenawo wapwile ha uputukilo hamwe ni Zambi.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Efesu 3:9

ngukalweze atu eswe uze wapwa uselo wa chijimbikilo, chahengamine chize ku miakulwila muli Zambi, yoze watangile yuma yeswe;

Hebreu 11:3

Ku Ufulielo chatulumbunuka ngwe atesele miaka ku liji lia Zambi, chocho chize chakumoneka kachitangile ku yuma yize yakusoloka.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.