Yoano 1:29 - MUKANDA USANDU WA ZAMBI 1975

²⁹ Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Mukanda Wa Zambi 1970

²⁹ Muze hikwacha, Yoano yamona Yesu kaneza kuli iye. Yamba ngwenyi: “Talenu mwe Mwana Panga wa Zambi yoze unachiza shili ya akwa hashi.

Yoano 1:29 Iomraidhean Croise

Kutuhuka 28:38

Chikapwe ha huma lia Arone. Arone akambate uhenge wa yuma yisandu, yenayo A-Izalele makayisela ku usandu ku yawana yo yeswe yisandu. Chikapwe ha huma lienyi matangwa eswe hanga akaatambule kumeso ja Yehova.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 53:7

Amuhungumionene, amupinjishile, alioze kapakwile kanwa lienyi. Ngwe mwana-panga yoze mamutwala ku ushihilo, ngwe panga mahola kúlú kumeso ja akwa kumutewula, chochene kapakwile kanwa lienyi.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Alevi 10:17

Kuchi te kunwalile mulambu ha shili muma musandu, se wapwa usandu Wahiana mba hanwahawo kumbata uhenge wa chikungulwila, kufuka shili yo kumeso ja Yehova?

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Kwalula 18:1

Yehova yamba kuli Arone ngwenyi, Ni yena ni ana je a malunga ni akwa jiko lia tatenu hamwe ni yena kumunukambata uhenge wa muma musandu. Ni yena ni ana je a malunga hamwe ni yena kumunukambata uhenge wa usasendote wenu.

Kwalula 18:23

A-Levi akalinge uvumbiko wa mu mbalaka ya chikungulwila; o akambate uhenge wo. Chikapwe chiyulo cha mutolo ndusu yisemuko yenu. Hakachi ka A-Izalele o kanda akapwa ni chihinga nichimwe.

Kwalula 21:9

Mose yafula kapela wa unengu, yamunangika ha mutondo usuku. Chapwile, nyi kapela wasumine mutu mweswawo, muze atalile kuli kapela wa unengu, yatwama ni mwono.

Kwalula 7:27

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Kwalula 7:39

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Yoano 1:35

Cheka nawa muze hikwacha, Yoano te kanamana, ni aali a kuli tumbaji twenyi;

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Yoano 1:43

Muze hikwacha, Yesu wazangile kuya ku Ngalileya, iye yawana Fwilipe; yamba kuli iye ngwenyi, Ngukaule.

Yoano 2:1

Ha tangwa liamuchitatu, mwapwile umbachiso mu Kena, chihunda cha mu Ngalileya; ni naye ya Yesu wapwileko:

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 4:42

o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Yilinga 13:39

muli yono, mweswe mafuliela masamba ku yuma yize yeswe kunwahashile kusamba ku shimbi ya Mose.

Yilinga 8:32

Chihanda cha chisoneko chize atangile chapwile chino ngwo, Amutwalile ngwe panga ku Chishihilo; ngwe mwana-panga kumeso ja yoze wakumukamba mahola kulungunga kwenyi, chocho kapakwile kanwa lienyi.

1 Korintu 15:3

Mumu nanukunjikile hatangu chize nawa yami natambwile, ngwe Kristu wafwilile milonga yetu nikulita ni yisoneko;

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Petulu 1:19

aiioze ni manyinga alemu a Kristu, ngwe a mwanapanga keshi kapalia, keshi chipeka.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

1 Yoano 3:5

Ni yenu nunanyingika hanamusolola hanga akachize milonga, ni muli iye shili yakuhi niyimwe.

1 Yoano 4:10

Muno mulili zango, kuchapwile ngwe yetu twazangile Zambi, aiioze iye watuzangile yetu, watumine Mwanenyi kupwa kuka ha milonga yetu.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 14:1

Mba namwene mwe Mwana-panga, kanamana ha mulundu wa Zaione, ni hamwe nenyi kulakaji lia tununu ni makumi awana a tununu ni tununu awana, kali ni jina lienyi, ni jina lia Tato, linasonewa ha mahuma jo.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:7

Tuwahililenu, tulikwizenu, tumuchichimiekenu; mumu umbachiso wa mwe Mwana-panga hiweza, ni mukwo-pwo hanalilulika.

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.

Usolwelo 21:14

Ni chipanga cha limbo chapwile ni kumi lia fundamentu ni fundamentu jiali, ni kumi lia majina ni majina aali a kusonekaho, majina ja kumi lia apostolo ni apostolo aali a mwe Mwana-panga.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.

Usolwelo 21:9

Mba umwe wa kuli angelo shimbiali waze apwile ni misenge shimbiali, yinazala ni lamba shimbiali lia kusula, wakundamine akahanjike kuli yami, ngwenyi, Tweya kuno, mungukulweza ndungi, pwo lia mwe Mwanapanga.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.

Usolwelo 5:8

Mba muze te handa mukanda, akwa mwono awana ni makumi aali a makulwana ni makulwana awana afulamanyine kumeso ja mwe Mwana-panga, mweswe ni kalialia ni misenge ya oru ya tò ni insensu, yenayo yilemba ya asandu.

Usolwelo 6:1

Namwene muze mwe Mwana-panga apakwile chimwe cha ku yijikilo shimbiali, nevwile umwe wa kuli akwa mwono awana kanambe ni liji ngwe lia kukulunguza, ngwenyi, Tweya, utale.

Usolwelo 6:16

O yamba ku milundu ni ku mawe ngwo, Holokelenu hali yetu, nutusweke ku meso ja yoze watwama ha ngunja, ni ku utenu wa mwe Mwana-panga.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.