Yoano 1:24 - MUKANDA USANDU WA ZAMBI 1975

²⁴ O atumiwine kuli A-Fwariseu.

Mukanda Wa Zambi 1970

²⁴ Atu waze atumiwine kuli Afariseu,

Yoano 1:24 Iomraidhean Croise

Mateu 23:26

Yena Ka-Fwariseu wa kupuputa, pemesa hatangu muchima lia musenge ni lia panda, hanga haze liayo nawa hakapeme.

Luka 11:53

Muze te hatuhukamo, akwa kusonyeka ni A-Fwariseu aputukile kumushinjila chikolo nikumusungasunga ahanjike yuma yinji;

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 7:30

Alioze A-Fwariseu ni akwa shimbi alitunyine ha kutwala kuli ayo ene mana ja Zambi, se kaapapachishile kuli iye.

Yoano 1:23

Wambile ngwenyi, Yami nguli liji lia yoze unakololoka mu puya ngwo, Lulamisenu jila ya Mwene, ngwe ambile profeta Izaia.

Yoano 1:25

Amuhulile, ngwo, Mba kuchi te wakupapachisa atu, kachi yena hi uli mwe Kristu ko, chipwe Eliya, chipwe mwe profeta?

Yilinga 23:8

Mumu A-Satuseu kakwamba ngwo, Uhindukilo wakuhi niumwe, chipwe mungelo, chipwe Spiritu, ka; alioze A-Fwariseu kakutayiza yino yeswe.

Yilinga 26:5

o angunyingikine kunyima chize ku uputukilo wawo, kachi matá kushindakenya, ngwe nikulita ni mbunga ya kuzeyela chikolo ku uwayilo wetu, napwile Ka-Fwariseu.