Yoano 1:18 - MUKANDA USANDU WA ZAMBI 1975

¹⁸ Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Mukanda Wa Zambi 1970

¹⁸ Mutu niumwe hanamono Zambi niumwe mwaka, alioze mwe Mwana, yoze uli ngwe chize abwa Zambi, yoze watwama hamwe ni Zambi Tata, mwenawo hanamusolola.

Yoano 1:18 Iomraidhean Croise

Ubutukilo 16:13

Mba pwo yaluka jina Yehova yoze yahanjika nenyi ngwenyi, Yena uli Zambi wa kumona. Mumu yamba ngwenyi, Kumanyi chipwe kuno hinatala yoze wakungumona;

Ubutukilo 18:33

Mba Yehova yaya kwenyi muze te hamana kuhanjika ni Apalahama. Apalahama iye yahiluka ku mahienyi.

Kutuhuka 23:21

Ulifunge kumeso jenyi, uhalakane ku liji lienyi. Kanda ukamuvwisa kupiha mumu iye kechi kukonekena uvulumunyi we, mumu jina liami lili muli iye.

Kutuhuka 24:10

O yamona Zambi ya A-Izalele. Kushi lia yiliato yenyi kwapwile ngwe mawe a safwira a kwala, zwalala lume ngwe mwilu.

Yishima 8:30

Kweswe napwile nenyi hamuwika ngwe chilangaji. Tangwa ha tangwa napwile nguli uwahililo wenyi, nikuwahilila kumeso jenyi matangwa eswe,

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Lungungu 2:12

Kanatambika kuli anaye ngwo, Mbolo ni vinyu yilihiyo? Shimbu analezumuka ha matapalo ja chihunda ngwe malunga a kwasa, shimbu mwono wo unasulila mu makondo ja anaye.

Kwalula 12:8

Nakuhanjika nenyi kanwa ni kanwa, zwa lume, hi ni yitaka ko, ka. Iye kumakamona kulifwa cha Yehova. Kuchi te kunwevwile woma kuhanjika nikulimika ni Mose kavumbi kami?

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 12:41

Yino yuma ambile Izaia, mumu wamwene uhenya wenyi; wahanjikile ha kutwala kuli iye.

Yoano 13:23

Achi, kwapwile umwe wa kuli tumbaji twenyi, kanajamina mu kondo ya Yesu, yoze amuzangile Yesu.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 17:6

Nasolwele jina lie kuli atu aze wanguhele a kuli akwa hashi; apwile nie, ni yena wanguhelo; o hanafungu liji lie.

Yoano 3:11

Pundu, pundu, ngunambe kuli yena ngwami, Yetu twakuhanjika yize tunanyingika; twakushindakenya yize hitunamono; ni yenu kunushi kutambula Shindakenyo yetu.

Yoano 6:46

Kuchapwile ngwe umwe hamona mwe Tata, shina yoze wa kuli Zambi, iye hanamono mwe Tata.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Shimbi 4:12

Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?

1 Yoano 4:12

Niumwe wamwene Zambi niumwe mwaka: kachi mutulizanga umwe ni mukwo ni mukwo, kachi Zambi matwama muli yetu, ni zango lienyi mulipwa lingunu muli yetu.

1 Yoano 4:20

Kachi umwe mamba ngwenyi, Ngunazange Zambi, hindu mapwa ni kole ni ndumbwenyi, iye mukwa mahuza; mumu yoze keshi kuzanga ndumbwenyi yoze hanamumono, ngwe kuchi mahasa kuzanga Zambi yoze kamumweneko.

1 Yoano 4:9

Muno hanasolola zango lia Zambi ha kutwala kuli yetu, te Zambi hanatumu Mwanenyi wa wika hano hashi, hanga tukapwe ni mwono kuli iye.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.