Yoano 1:15 - MUKANDA USANDU WA ZAMBI 1975

¹⁵ Yoano washindakenyene hali iye, wakololokele ngwenyi, yono iye nambile ngwami, Yoze meza kunyima yami iye kulutwe liami: mumu iye waliangile.

Mukanda Wa Zambi 1970

¹⁵ Yoano yashindakenya hakutwala kuli iye, yakololoka ngwenyi: “Yono mwe nambile ngwami: ‘Kaneza kunyima liami. Kananguhiana yami, mumu wabwile kulu kulutwe liami shimbu te kanda nguchisemuka.’ ”

Yoano 1:15 Iomraidhean Croise

Yishima 8:22

Yehova wanguzukile ku uputukilo wa jila yenyi, shimbu kanda achiputuka yitanga yenyi ha shakulu.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Marku 1:7

Iye wambujolele ngwenyi, Kumeza kunyima yami yoze wakangana kuhiana yami, yoze lusapo wa ku haku jenyi chatelele kuhetama ni kumujitula.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Yoano 1:27

iye yoze meza kunyima yami, lusapo wa luhaku wenyi chatelele kumujitula.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Kolosu 1:17

iye kapwa kulutwe lia yuma yeswe, ni yuma yeswe kuyakupwa muli iye.

Hebreu 13:8

Yesu Kristu chimuwika apwa, ni zau, ni musono, ni ndo ku miaka ya mutolo.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,