Yoano 1:14 - MUKANDA USANDU WA ZAMBI 1975

¹⁴ Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Mukanda Wa Zambi 1970

¹⁴ Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Yoano 1:14 Iomraidhean Croise

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 45:2

Wapema kuhiana ana ja atu; hanatehuna vumbi mu mivumbo ye; kashika Zambi hanakuwahisa ku miaka ya mutolo.

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Izaya 40:5

Ni uhenya wa Yehova kumakausolola, ni musunya weswe maumona hamuwika, mumu ka nwalia Yehova hilinachambe.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Ezekiel 37:27

Zuwo liami lisandu mulikatwama hamwe no, mba mungukapwa Zambi yo, no makapwa atu jami.

Mateu 1:16

Yakomba wasemene José, lunga lia Maria, kuli mwenawo kwasemukine Yesu, yoze anamuvuluka ngwo, Kristu.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 2:7

Iye wasemene mwanenyi wa lunga mutangu, wamuvungile mu mahina, wamupombesele mu chililo; mumu kumwapwile muhela hali ayo mu zuwo lia kuzeka ngeji.

Luka 9:32

Ahoze Petulu, ni waze apwile hamwe nenyi, azembelele tulo, ni muze alawile pundu, amwene uhenya wenyi ni malunga aali waze amanyine hamwe nenyi.

Yoano 1:1

Ha uputukilo hapwile Liji, ni Liji liapwile hamwe ni Zambi, ni Liji liapwile Zambi.

Yoano 11:40

Yesu yamba kuli iye ngwenyi, Chambile kuli yena ngwami, Kachi mufuliela kachi mumona uhenya wa Zambi, nyi?

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Yoano 17:22

Ni uhenya uze hiunangwehe, hingunahewo; hanga akapwe umuwika chizechene ngwe yetu tuli umuwika;

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 3:18

Yoze mamufuliela keshi kumupatwila: yoze keshi kufuliela hanamupatwila kulu, mumu kafulieleleko jina lia mwe Mwana wa wika wa Zambi.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Yoano 8:32

Kumunukanyingika umwenemwene, ni umwenemwene kumuukanutusula.

Yilinga 13:33

ngwo, Zambi hanachimanununa kuli yetu ana jo, se wasolwele Yesu; ngwe chinasonewa nawa mu Samu liamuchiali ngwo, Mwanami Yena, tangwa lino hingunakuseme.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

1 Korintu 15:47

Mutu mutangu wa hashi, iye mukwa mavu: mutu wamuchiali iye wa mwilu.

2 Korintu 12:9

Iye wambile kuli yami ngwenyi, Vumbi liami linate hali yena; mumu tachi jami kakujipwisa jingunu mu ulelu. Ni kuwaha chahiana kashika mungulisamba Shinaho ha ulelu wami, hanga tachi ja Kristu jikatwame hali yami.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Efesu 3:8

Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

Kolosu 1:19

Mumu che kupwa cheswe cha Uzambi chatwama muli iye nikuwaha.

Kolosu 2:3

yoze muli iye upite weswe wa mana ni yinyingi kuwahengama.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 1:5

Mumu kuli iya hakachi ka angelo wambile iye ha mwaka umwe ngwenyi, Yena uli mwanami, tangwa lino hingunakuseme? Cheka nawa ngwenyi, Mungukapwa kuli iye Tato, iye kumakapwa kuli yami mwanami?

Hebreu 10:5

Kashika muze yeza hano hashi, yamba ngwenyi, Chitapo ni mulambu yena kwayipalile, alioze wangululikilile mujimba.

Hebreu 2:11

Mumu eswe aali, ni yoze wakusela ku usandu, ni waze hanaasela ku usandu, kanapu eswe a kuli umuwika: ha chikuma chino keshi kwivwa sonyi kwavuluka ngwenyi, Mandumbu.

Hebreu 5:5

Chocho Kristu nawa kalichichimiekene mwene kupwa sasendote mukwa lutwe, aiioze yoze wambile kuli iye ngwenyi, Mwanami yena, tangwa lino hingunakuseme:

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

1 Yoano 4:9

Muno hanasolola zango lia Zambi ha kutwala kuli yetu, te Zambi hanatumu Mwanenyi wa wika hano hashi, hanga tukapwe ni mwono kuli iye.

2 Yoano 1:7

Mumu akwa kupiangula anji haneza hano hashi, waze keshi kutayiza mwe Yesu Kristu heza mu musunya, mwe mukwa kupiangula yono, mwe mukwa kulimika ni Kristu.

Usolwelo 19:13

Iye kanazala hina lia kuchupika mu manyinga: ni jina lienyi lize anamuvuluka ngwo, Lie Liji lia Zambi.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.