Yoano 1:12 - MUKANDA USANDU WA ZAMBI 1975

¹² alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Mukanda Wa Zambi 1970

¹² Alioze akwo yaalitambula, yaalifuliela. Kashika yiliaaha chiyulo cha kubwa ana ja Zambi.

Yoano 1:12 Iomraidhean Croise

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

Izaya 56:5

mungwaaha mwe mu zuwo liami muchima lia yishimi yami, Chiwulwiso ni jina kuhiana ana a malunga ni a mapwo. Mungwaaha jina lia mutolo lize kulichi kajimuka.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Mateu 10:40

Yoze manutambula, mangutambula yami; yoze mangutambula yami, matambula yoze wangutumine.

Mateu 12:21

Ku jina lienyi akwa mavungu kumakatalatala.

Mateu 18:5

Mweswawo matambula mwana mukepe umuwika ngwe yono mu jina liami mangutambula yami.

Yoano 1:11

Wejile ku yuma yenyi mwene, ni atu jenyi mwene kamutambwileko;

Yoano 1:7

Mwenawo wejilile Shindakenyo, hanga akashindakenye ha pangu, hanga eswe ku Shindakenyo yenyi akafuliele.

Yoano 11:52

ni hi vungu wika ko, alioze hanga akakungulule nawa kuli umuwika ana a Zambi waze anamwangana.

Yoano 2:23

Muze apwile mu Yerusaleme ku Chizomboka, ku chiwanyino, anji afulielele jina lienyi, ha kumona yilayi yenyi yize apwile nikulinga.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:18

Yoze mamufuliela keshi kumupatwila: yoze keshi kufuliela hanamupatwila kulu, mumu kafulieleleko jina lia mwe Mwana wa wika wa Zambi.

Yilinga 3:16

Mba ku Ufulielo ku jina lienyi, jina lienyi hiunatakamisa yono nunamumono, nunamunyingika: ngwami, Ufulielo uze kuli iye hiunamwehe mujimba uno ungunu kumeso ja yenu eswe.

A-ROMA 8:14

Mumu eswe akuzeya kuli Spiritu ya Zambi, e ana a Zambi wano.

A-ROMA 8:16

Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi.

A-ROMA 8:19

Mumu kutalatala cha yeswe ya hashi kuchakulawoka usolwelo wa ana a Zambi.

Galashia 3:26

Mumu yenu eswe muli Kristu nuli ana a Zambi ku Ufulielo.

Galashia 4:6

Mba se nuli ana, Zambi hanatumu Spiritu ya Mwanenyi mu mbunge jetu, kanatambika ngwenyi, Ta-ta, Tata.

Kolosu 2:6

Kashika chizechene ngwe nwatambwile Kristu Yesu mwe Mwene, chocho endenu muli iye;

2 Petulu 1:4

Ku yino hanatwehe yilakenyo yenyi yilemu ni yinene yahiana; hanga ku yino, nukapwe akwa kulianyina ha chisemewa cha Zambi, se hinunapuluka ku kupola chize chili hano hashi ku usolo.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:2

Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.