Yoano 1:1 - MUKANDA USANDU WA ZAMBI 1975

¹ Ha uputukilo hapwile Liji, ni Liji liapwile hamwe ni Zambi, ni Liji liapwile Zambi.

Mukanda Wa Zambi 1970

¹ Ha Ubutukilo, muze te Zambi kanda achitanga yuma, Liji liabwile kulu. Lie Liji liabwile hamwe ni Zambi, ni Liji liabwile Zambi.

Yoano 1:1 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Miaso (Masamu) 45:6

Ngunja ya yena Zambi kuyili ndo ku miaka yeswe ya mutolo; lukanda wa wanangana we lukanda wa ululi.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Luka 24:53

O apwile matangwa eswe mu tembele nikuhalisa nikufumanyisa Zambi.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 1:2

Mwenawo wapwile ha uputukilo hamwe ni Zambi.

Yoano 16:28

Nakatukile kuli Tata, hinguneza hashi; cheka nawa, munguhichika hashi, munguya kuli Tata.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yoano 20:28

Tomase wamukumbulwile ngwenyi, Mwene wami kanda Zambi yami.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

Efesu 3:9

ngukalweze atu eswe uze wapwa uselo wa chijimbikilo, chahengamine chize ku miakulwila muli Zambi, yoze watangile yuma yeswe;

Filipu 2:6

Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Kolosu 1:17

iye kapwa kulutwe lia yuma yeswe, ni yuma yeswe kuyakupwa muli iye.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Hebreu 13:8

Yesu Kristu chimuwika apwa, ni zau, ni musono, ni ndo ku miaka ya mutolo.

Hebreu 7:3

Keshi tato, keshi naye, keshi munyachi, keshi uputukilo wa matangwa, ni matangwa jenyi kechi kuhwa, aiioze kanamupwisa ngwe mwe Mwana Zambi), katwama sasendote ndo ku miaka ya mutolo.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

1 Yoano 5:7

Yoze wakushindakenya iye mwe Spiritu, mumu Spiritu iye umwenemwene.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Usolwelo 1:2

Mwenawo washindakenyene ha liji lia Zambi, ni ha Shindakenyo ya Yesu Kristu, yuma yize yeswe amwene.

Usolwelo 1:8

Yami nguli mwe Alfwa ni mwe Omega, chocho anambe Mwene Zambi, yoze kwali, yoze wapwile, yoze meza kupwa, mwe Mukwa-Ndundo-Jeswe.

Usolwelo 19:13

Iye kanazala hina lia kuchupika mu manyinga: ni jina lienyi lize anamuvuluka ngwo, Lie Liji lia Zambi.

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Usolwelo 22:13

Yami nguli mwe Alfwa, mwe Omega, mwe mutangu, mwe kasulasongo, we uputukilo, lie songo.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,