Yishima 3:3 - MUKANDA USANDU WA ZAMBI 1975

³ Kanda utayiza utu wa zango ni umwenemwene kukukatuka. Ukayikashile ku kota ye, nikuyisoneka ha mbunge ye.

Mukanda Wa Zambi 1970

³ Kanda wecha umwenemwene ni kushishika. Yikashile mu kota ye; yiise mu mbunge ye.

Yishima 3:3 Iomraidhean Croise

2 Samuel 15:20

Ngwe zau unakeza, mba muchipema yami ngukwendese ku tunda ni ku mwanda hamwe ni yetu se ngunayi kweswako lume? Hiluka utwale akwenu nawa. Keke ni umwenemwene yipwe ni yenu.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Miaso (Masamu) 25:10

Majila eswe a Yehova utu wa zango ni umwenemwene kuli waze akufunga usendo wenyi ni Shindakenyo yenyi.

Miaso (Masamu) 85:10

Utu wa zango ni umwenemwene hiyinatakana hamuwika. Ululi ni sambukila hiyinalimeneka.

Kutuhuka 13:9

Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Yishima 1:9

mumu kumuyikapwa chipangula cha vumbi cha ha mutwe we ni malenge a uhenya a ha kota ye.

Yishima 14:22

Akwa kutaka yipi te kapiangukile, nyi? Alioze utu wa zango ni umwenemwene muyikapwa kuli akwa kuhala yipema.

Yishima 16:6

Utu wa zango ni umwenemwene kuyakufwetela uhenge; ku woma wa Yehova atu kakuchina yipi.

Yishima 20:28

Utu wa zango ni umwenemwene kuyakukolesa mwanangana. Ngunja yenyi yinajikijila ni utu wa zango.

Yishima 6:21

Ukayikashile matangwa eswe mu mbunge ye; ukayijichikile ha kujingilika kota ye.

Yishima 7:3

Uyikashile ha minwe ye; uyisonekene ha mbunge ye.

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Malaki 2:6

Shimbi liamwenemwene liapwile mu kanwa lienyi; chipi nichimwe kachiwanyine ha mivumbo yenyi. Waliendelele ni yami ni sambukila ni ululi; watembwile anji ku uhenge.

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

2 Korintu 3:3

chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Shimbi 6:8

Nukaajichike ha moko jenu akapwe chilayi, akapwe a kukashila mukachi ka meso jenu.

Hebreu 10:16

Mwene kanambe ngwenyi, Uno usendo uze mungukakwata no kulutwe lia matangwa aze: Mungukasa shimbi jami ha mbunge jo, ni ha kunyonga cho nawa mungukajisoneka.