Yishima 14:3 - MUKANDA USANDU WA ZAMBI 1975

³ Mu kanwa lia chihepuke muli mbwechi ya kumulambila kulengumuka chenyi; alioze mivumbo ya akwa mana kumuyikaafunga.

Mukanda Wa Zambi 1970

³ Kulengumuka cha chihepuke chakumuhanjikisa yuma yinji, alioze maliji a mukwa mana kaakumufunga.

Yishima 14:3 Iomraidhean Croise

Jobe 5:21

Makuswekela ku kulaswola cha malimi; muze kwonwona muchikuheta kuchichi kukushima.

Miaso (Masamu) 12:3

Yehova kumakasutula mivumbo yeswe ya kupepieka, ni limi lize lia kuhanjika yuma yinene;

Miaso (Masamu) 31:18

Mivumbo ya mahuza yikalumuke ngwe ya tumama, mumu kakuhanjika ni shino, nikulengumuka, ni kaleleso wa kulimika ni akwa ululi.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Yishima 12:6

Maliji a yingulungulu atwala ku kujikinyina kumwanga manyinga; alioze kuhanjika cha akwa ululi muchikaapulula.

Yishima 13:3

Yoze malayila kanwa lienyi mafunga mwono wenyi; alioze yoze mapakula chikolo mivumbo yenyi kumakanwonwona.

Yishima 14:4

Kuze kukushi ngombe, chililo muchipema; alioze ku tachi ja ngombe kuneza kufumbuka chinji.

Yishima 18:6

Mivumbo ya chihepuke kuyakunjila mu kulitachika; kanwa lienyi kuliakulisanyikina mijiji.

Yishima 18:7

Kanwa lia chihepuke kuliakumwonwona; mivumbo yenyi yapwa kambwila lia mwono wenyi.

Yishima 21:24

Mukwa kulengumuka, mukwa kulizata, jina lienyi ngwo, Mukwa kulenya; kakulinga mu kulivwimba cha kulengumuka.

Yishima 22:8

Mweswe makuwa uhenge makacha lamba, mba mbwechi ya utenu wenyi muyikahwa.

Yishima 28:25

Mukwa chipululu kakuvundula kulitachika; alioze mukwa kufuliela Yehova matoha.

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.