Yishima 10:1 - MUKANDA USANDU WA ZAMBI 1975

¹ Yishima ya Solomone. Mwana wa mana kakuwahisa tato, alioze mwana chihepuke kapwa chinyengo kuli naye.

Mukanda Wa Zambi 1970

¹ Yino yili yishima ya mwanangana Solomone: Mwana mukwa mana kakuwahilisa tato; mwana chihepuke kakuvwisa naye chinyengo.

Yishima 10:1 Iomraidhean Croise

1 Yitanga Ya Mianangana 4:32

Yata tununu atatu a yishima; miaso yenyi kanunu ni miaso yitano.

Yishima 1:1

Yishima ya Solomone, mwana wa David, mwanangana wa Izalele.

Yishima 13:1

Mwana wa mana kakwivwa kufumba cha tato; alioze mukwa kulenya keshi kwivwa kukanjisa.

Yishima 15:20

Mwana wa mana kakuwahisa tato, alioze chihepuke kakulelesa naye.

Yishima 17:21

Mweswe masema chihepuke kanalikokela chinyengo; tato ya chihepuke keshi uwahililo.

Yishima 17:25

Mwana wa uhepuke kapwa chinyengo kuli tato; kapwa usasu kuli naye wamusemene.

Yishima 19:13

Mwana chihepuke kapwa lamba lia tato; kutokwela cha pwo chapwa ngwe kusotwoka ndwe-ndwe-ndwe.

Yishima 25:1

Yino nawa yishima ya Solomone, yize malunga a Hezekia mwanangana wa A-Yunda asonekene.

Yishima 27:11

Mwanami pwako ni mana Ukawahise mbunge yami, ngukahase kukumbulula yoze manguchoka.

Yishima 29:15

Mbwechi ni kukanjisa kuyakuhana mana; alioze nyi muwecha mwana chizechene makolesa sonyi naye.

Yishima 29:17

Fumba mwané mba makuhwimisa, ewa mawahisa mbunge ye.

Yishima 29:3

Mweswe mazanga mana mawahisa tato; alioze yoze maliendela ni yikoi kanamwange upite wenyi

Longeshi 12:9

Chilumbununyi wapwile mukwa mana, alioze chikwo nawa walongesele mana kuli e atu, nikupezalisa, ni kulilongesa, ni kululika yishima ni malinjekela anji.

Longeshi 2:19

Iya kananyingika nyi mapwa mukwa mana nyi chihepuke? Hindu makayula milimo yami yeswe yize nahondanganyine nikusolola mana jami kushi lia tangwa. Chino nawa chapwa chamokomoko.