Yilinga 9:8 - MUKANDA USANDU WA ZAMBI 1975

⁸ Mba Saulu wakatukile hashi, alioze muze alawile meso jenyi, kamwene nichimwe. Kashika amusongwelele ku kwoko, amutwalile ku Ndamaseku.

Mukanda Wa Zambi 1970

⁸ Saulu yakatuka hashi. Alioze ha kulaula ku meso, kahashile kumona. Kashika atu yaamukwata ku kwoko, yaamutwala ku Damasku.

Yilinga 9:8 Iomraidhean Croise

Ubutukilo 14:15

Yahandununa atu jenyi ha ufuku, iye ni ndungo jenyi. Yaalamba, yaahanga ndo ku Hoba, kwapwa ku sali lia chimeso lia Ndamaseku.

Ubutukilo 19:11

Yalamba nawa malunga aze amanyine ku chikolo cha zuwo yaapwisa tupuputa ni akepe ni anene. Chocho alikatalishile kuwana chikolo.

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Yilinga 13:11

Haliapwila, tala, kwoko lia Mwene hali yena lili, kumuopwa kapuputa, ha mwaka kuchi kamona tangwa. Haze hene yaholokelele hali iye mbundu ni milima; iye wendanganyine nikufupa amwe amusongwele ku kwoko.

Yilinga 22:11

Muze Chahashile kumona mumu ha uhenya wa pangu lize, yangutwala ku kwoko lia waze apwile hamwe ni yami, chocho nahetele ku Ndamaseku.

Yilinga 9:18

Haze hene yaholokele ku meso jenyi ngwe yihahi, iye walawile meso, wakatukile, amupapachishile.

Yilinga 9:9

Iye wapwile matangwa atatu keshi meso, kalileko, chipwe kanwineko.

2 Korintu 11:32

Mu Ndamaseku, nguvulu wa kuyula kushi lia mwanangana Areta, wafungile limbo lia A-Ndamaseku, hanga akangukwate.

Galashia 1:17

chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.