Yilinga 9:40 - MUKANDA USANDU WA ZAMBI 1975

⁴⁰ Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Mukanda Wa Zambi 1970

⁴⁰ Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

Yilinga 9:40 Iomraidhean Croise

1 MIANANGANA 20:11

Mba profeta Izaia yateta kuli Yehova, mba iye yaneha chizulie kunyima kumi lia shimbo kuze hichasenya kulutwe ha relojio ya Ahaze.

Mateu 6:6

Alioze yena muze mulemba, njila mu chipatulo che cha muchima, ni muze hiwájila pito lie, ukalembe kuli Tatenu yoze uli ku tenga, ni Tatenu yoze wakumona ku tenga, kumakakukundulula.

Mateu 9:25

Mba muze te hatuhwisa mbunga, wanjilile, wamukwachile ku kwoko, mwana-pwo wahindukile.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Luka 8:54

Alioze iye waatuhwishile eswe, iye, nikumukwata ku kwoko, watambikile ngwenyi, Mwana, hinduka.

Yilinga 20:36

Muze te hamba yino yuma, waliumbile makungunwa, walembele hamwe no eswe.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 28:8

Tato ya Pupiliu te kanapombo ni kachiki nikulokoka mu jimo: kuli iye Paulu wanjilile, walembele, nikusayika moko jenyi hali iye, wamuhindwishile.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.