Yilinga 9:4 - MUKANDA USANDU WA ZAMBI 1975

⁴ Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona?

Mukanda Wa Zambi 1970

⁴ Saulu yalimbuka hashi, yevwa liji lize liamwambile ngwo: “Saulu; Saulu, kuchi kevwe wakunguhungumiona?”

Yilinga 9:4 Iomraidhean Croise

Ubutukilo 16:8

Yamba ngwenyi, Ena Hekare ndungo ya Serai kulihi unakatuka? Kulihi unayi? Iye ngwenyi, Ngunachina kumeso ja kaka Serai.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 3:9

Mba Yehova Zambi yatambika kuli Alama ngwenyi, Kulihi uli?

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Zakaria 2:8

Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso),

Kwalula 16:45

Katukenu hakachi ka chikungulwila chino, hanga ngwamanune mu kashimbu kakepekepe. O yafulamana hashi.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Luka 10:41

Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji.

Yoano 18:6

Muze kashika ambile kuli ayo ngwenyi, Yami nguli, ayile ufuchanyima, afulamanyine hashi.

Yoano 20:16

Yesu yamba kuli iye ngwenyi, Maria! Iye yatewulukila, yamba kuli iye mu limi lia Hepreu ngwenyi, Rabonai; Unalumbunuka ngwo, Longeshi yami.

Yoano 21:15

Kashika muze te halia, Yesu yamba kuli Semone Petulu ngwenyi, Semone, mwana Yona, unanguzange kuhiana wano, nyi? Iye yamba ngwenyi, Ewa Mwene; yena unanyingika ngunakufwila. Yamba kuli iye ngwenyi, Lisa ana-mapanga jami.

Yilinga 5:10

Iye walimbukile haze hene ku yiliato yenyi, wafwile. Akweze anjilile yamuwana hanafu, yamumbata haze, yamufunda ku lumbu lia mukwo-lunga.

Yilinga 9:5

Iye wambile ngwenyi, Mwene, yena iya? Wakumbulwile ngwenyi, Yami Yesu, yoze wakumuhungumiona, chikalu hali yena kutwa yishindo ku musongolwela.

A-ROMA 11:22

Mba talenu, utu ni ukalu wa Zambi: kuli waze alimbukile, ukalu; alioze kuli yena, utu wa Zambi, kachi munyongonona mu utu wenyi: nyi ka, yena nawa kumakakupatulaho.

1 Korintu 12:12

Mumu chizechene ngwe mujimba unapu umuwika, ni yihanda yinji ukwete, ni yihanda yeswe ya mujimba nikupwa yinji yinapu mujimba umuwika; chocho nawa Kristu.

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

Efesu 5:30

Mumu yetu tuli yihanda ya mujimba wenyi, ni ya musunya wenyi, ni ya yifwaha yenyi.