Yilinga 9:39 - MUKANDA USANDU WA ZAMBI 1975

³⁹ Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no.

Mukanda Wa Zambi 1970

³⁹ Petulu yakatuka, yaya no. Muze haaheta, yaamutwala ku chibatulo cha kwilu. Mapwo waze haanafwisa malunga yaamukundama nikulila, yaamulweza yikuto ni mahina waze Dorkase aatungilile muze te achili ni mwono.

Yilinga 9:39 Iomraidhean Croise

2 Samuel 1:24

Mapwo A-Izalele, lililenu Saulu, wanujikile kanawa ni mahina a ngengu, wanuselele yuma ya oru ya uhenya ha mazalo jenu.

Yishima 10:7

Kwiwuluka mukwa ululi kuwahacho, alioze jina lia chingulungulu kumulikapola.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 26:11

Mumu yiswale nuli no matangwa eswe hamwe ni yenu; alioze kunushi ni yami matangwa eswe.

Marku 14:8

Halinga chize wahasa; hawayisa mujimba wami ni yitumbo shimbu kanda, ha kufunda.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 12:8

Mumu yiswale nuli no matangwa eswe hamwe ni yenu; alioze yami, kunushi ni yami matangwa eswe.

Yoano 17:12

Muze napwile hamwe no hashi, naatangile mu jina lie waze hiunangwehe: naalayile, mba niumwe wa kuli ayo watokele, shina mwe mukwa utoke; hanga chisoneko chikamanunuke.

Yilinga 1:13

Muze te hanjila mu zuwo, akandukile ku chipatulo cha kwilu, muze atwamine; ni Petulu ni Tiangu, ni Yoano ni Andeleu, ni Fwilipe ni Tomase, ni Mbatolomeu ni Mateu, ni Tiangu, mwana Alfweu, ni Semone Zelote, ni Yundase, mwanakwo wa Tiangu.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

Yilinga 6:1

Achi, ha matangwa aze, tumbaji se hoka, kwapwile kulinyenyeta cha A-Ngresia hali A-Hepreu, mumu ahungwile twamishi jo a mapwo ha kupangila cha tangwa ha tangwa.

Yilinga 8:2

Akwa kuwayila afunjile Eshetevau, alilile mbimbi chikolo hali iye.

Yilinga 9:41

Iye wamuhele kwoko lienyi, wamuhindwishile; watambikile asandu ni twamishi ja mapwo, wamukunjikile kuli ayo ni mwono.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

1 Tesalonika 4:13

Alioze kutwazangile nukalajale, mandumbu, ha kutwala kuli waze hanayi tulo; kunuchi kevwa chinyengo ngwe akwo waze keshi kutalatala.

1 Timoteu 5:3

Lemesa twamishi a mapwo waze anapu chamwenemwene twamishi.

1 Timoteu 5:5

Achi, yoze chamwenemwene mapwa twamishi, hanamuhichika ukawenyi, kakutalatala hali Zambi, nikunyongonona mu kuliumba ni kulemba ufuku ni mwalwa.

1 Yoano 3:18

Anami akepe, kanda tuzanga ni liji, chipwe ni limi; aiioze ni yitanga ni umwenemwene.