Yilinga 9:35 - MUKANDA USANDU WA ZAMBI 1975

³⁵ Waze eswe atwamine ku Lita ni mu Sarone, amumwene, o atewulukilile kuli Mwene.

Mukanda Wa Zambi 1970

³⁵ Eswe waze te atwama ku Lida ni mu chana cha Sarone yaamumona, no yaatewuluka kuli Mwene Yesu.

Yilinga 9:35 Iomraidhean Croise

1 Sango Ja Mianangana 27:29

Shitari wa ku Sharone wayulile matanga eswe a yimuna alile mu Sharone, ni Sefate mwana Adalai wayulile matanga a ku yikulo.

1 Sango Ja Mianangana 5:16

O atwamine mu Ngiliate mu Mbashane ni yihunda yako, ni mu ulilo weswe wa Sharone ndo ku njiza jo.

1 Sango Ja Mianangana 8:12

Ana ja Elepale a malunga wano: Epere ni Misame, ni Senede yoze watungile Ono ni Lode ni yihunda yako;

Ezra 2:33

Ana a Lode ni Hadide ni Ono, kulakaji shimbiali ni makumi aali ni atano.

Nehemia 11:35

ni Lode, ni Ono, che chikulo cha yilangaji.

Nehemia 7:37

Ana a Lode ni Hadide ni Ono, kulakaji shimbiali ni makumi aali ni umuwika.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Izaya 31:6

Hilukenu nawa kuli yoze nwakolemene chikolo, enu atu ja Izalele.

Izaya 33:9

Chifuchi chinalili ni kuhonga; Lebano kuyinatatajala ni kulela; Sharone yapwa ngwe puya, ni Mbashane ni Karmela kanalakumuna mafwo jo.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Izaya 66:8

Iya hevwa chuma chipwa haha? Iya hamona yuma yipwa haha? Chifuchi muchisemuka tangwa limuwika? Vungu mulisemuka kashimbu kakene? Mumu ha kuputuka misongo yenyi Zaione hasema ana jenyi.

Lungungu 3:40

Twesekenu majila jetu nikwahengula tukahiluke kuli Yehova!

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Joele 2:13

Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Yilinga 11:21

Kwoko lia Mwene liapwile hamwe no: anji afulielele, atewulukilile kuli Mwehe.

Yilinga 15:19

Kashika ngunapatula ngwami, Kanda tukapinjisa waze a kuli akwa mavungu matewulukila kuli Zambi;

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:20

Chocho ni ndundo liji lia Mwene liafumanyine, liakanganyine.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Yilinga 9:42

Mba achinyingikine ndusu mu Yopa mweswe, ni anji afulielele Mwene.

2 Korintu 3:16

Alioze heswaho matewulukila kuli Mwene, machizaho we wanda.

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,