Yilinga 9:31 - MUKANDA USANDU WA ZAMBI 1975

³¹ Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

Mukanda Wa Zambi 1970

³¹ Mba Chikungulwila cheswe mu Yudea, ni mu Galilea, ni mu Samaria yaabwa ni uhwimino, yeenda ni woma ku meso ja Mwene Yesu, yooka ku tachi ja Mwiku wa Linanga.

Yilinga 9:31 Iomraidhean Croise

1 Sango Ja Mianangana 22:18

Yehova Zambi yenu kwali hamwe ni yenu. Hanuhwimisa kweswe kwa kujingilika mumu hanakunjika akwa chifuchi ku kwoko liami kashika chifuchi cheswe hichahomboka kumeso ja Yehova ni kumeso ja atu jenyi.

1 Sango Ja Mianangana 22:9

Alioze musema mwana wa lunga, mukwa kuhwima mbunge, ni yami mungumwaha uhwimino kuli akwa kole jenyi kweswe kwa kumujingilika. Mumu jina lienyi mulipwa Solomone mba ha matangwa jenyi munguhana sambukila ni uhwimino kuli A-Izalele.

Nehemia 5:15

Alioze akwa kuyula a kushi shimbu kanda ngwiza, o yaalisa kuli atu. Yatambula kuli ayo mbolo ni vinyu helu lia makumi awana a shekele ja prata. Chipwe tuvumbi two alumukine akwa kuyula atu. Alioze yami chalingile chocho mumu ha woma wa Zambi.

Nehemia 5:9

Yingwamba nawa ngwami, Chino chuma nunalingi hi chipema ko. Chanutamba kwenda ni woma wa Zambi mumu ha sau lia akwa kole jetu a mavungu.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 86:11

Yehova, ungulongese kama jila ye. Mungwenda mu umwenemwene we. Mbunge yami yipwe yimuwika ya kuvwila woma jina lie.

Miaso (Masamu) 94:13

hanga umwehe kuhwima ku matangwa a luyinda, ndo hatula wina hali yingulungulu.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Yishima 23:17

Mu mbunge ye kanda uvwila ukwa akwa shili, alioze pwako yena ni woma wa Yehova tangwa lieswe nganganga.

Yishima 8:13

Woma wa Yehova unalumbunuka kulinwa ni chipi. Kunakulinwa ni kulengumuka, ni kulizata, ni ndako jipi, ni kanwa liapiya.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Izaya 33:6

Kumakaholesa miaka yenu, ni kulumbama cha ulamwino, ni mana, ni chinyingi; mba woma wa Yehova muupwa upite wenyi.

Zakaria 8:20

Yehova-wa-Tujita kanambe ngwenyi, Mavungu meza kwiza, e atu a ku yihunda yinji.

Yilinga 12:24

Alioze liji lia Zambi liafumanyine; lialiwezele.

Yilinga 16:5

Chocho yikungulwila yatakamine mu Ufulielo, yokele tangwa ha tangwa.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 20:32

Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Yilinga 5:11

Ni woma wunji wejile ha chikungulwila cheswe, ni hali waze eswe evwile yino yuma.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

A-ROMA 14:19

Chocho tukaulenu yuma yize yatwala ku sambukila, ni yuma yize mutuhasa kulikolesa nayo umwe ni mukwo ni mukwo.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

A-ROMA 5:5

ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.

1 Korintu 14:12

Chocho ni yenu nawa, se nwakufupa chikolo ha yawana ya uspiritu, fupenu hanga nukahiane kukolesa chikungulwila.

1 Korintu 14:26

Mba kuchi, mandumbu? Muze munukunguluka, mweswe wa kuli yenu mwaso ali nawo, longeso ali nalio, usolwelo ali nawo, limi ali nalio, ulumbunwiso ali nawo. Alinge yuma yeswe mukukolesa.

2 Korintu 10:8

Mumu chipwe mungulisamba chimwe chahiana ha kutwala ku chiyulo chetu (chize hanatwehe Mwene mukunukolesa, hi mukunulimbwisa ko), kechi hangukolesa sonyi:

2 Korintu 12:19

Nunashinginyeka shimbu lino lieswe ngwe tunalisambisa kuli yenu, nyi? Tunahanjika kumeso ja Zambi muli Kristu: alioze yuma yeswe tunalingi kuli yenu, akwetu a Zango, tunayilingi hanga tukanukolese.

2 Korintu 13:10

Ha chikuma chino ngunasoneka yino yuma shimbu chishiko, hanga muze mungupwa hamwe ni yenu chichi kanwambila maliji akalu, nikulita ni chiyulo chize hanangwehe Mwene mukukolesa, hi mukupuzula ko.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Efesu 4:12

kululika asandu ha milimo ya uvumbiko, mukukolesa mujimba wa Kristu,

Efesu 4:16

Kuli iye we mujimba weswe wakusepekenya nikununga, ni chize makonekeno eswe akuhana, nikulita ni cheseko cha kulinga cha chihanda cheswe, chakuweza ku kulitatwisa cha mujimba wene mu zango.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Efesu 5:21

Lizeyelenu umwe kuli mukwo mu woma wa Kristu.

Shimbi 12:10

Alioze muze munuzauka Yordau nikutwama mu chifuchi ananwehecho chihinga kuli Yehova Zambi yenu, muze hanuhwimisa kuli akwa kole jenu eswe ananujingilika, chocho munutwama kawape,

Filipu 2:1

Kashika kachi kuchili kulembejeka chimwe muli Kristu, kachi kusangulwisa chimwe cha zango, kachi kuliendela chimwe cha Spiritu, kachi mbunge yimwe ya keke,

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

1 Tesalonika 5:11

Kashika lishinjilenu umwe ni mukwo, likolesenu umwe ni umwe, chizechene ngwe nwakulinga.

1 Timoteu 1:4

Chipwe kanda apanjika ku yishima yamokomoko, ni kujichika miya yize kuyishi songo, yenayo kuyakuneha mbandanga, alioze kuyishi kusenyesa kulutwe uselo wa Zambi, uze uli mu Ufulielo.

Hebreu 4:9

Kuunasala kashika uhwimino wa Sambata hali atu ja Zambi.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Yuda 1:20

Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.

Akwa Kuyula 3:30

Tangwa lize A-Moape azeyele kushi Ha kwoko lia A-Izalele mba chifuchi chahwimine makumi nake a miaka.