Yilinga 9:27 - MUKANDA USANDU WA ZAMBI 1975

²⁷ Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu.

Mukanda Wa Zambi 1970

²⁷ Alioze Barnaba yamwanda nikumutwala kuli tunganda twa Yesu, yaalumbunwina ngwe chize Saulu atakanyine ni Mwene Yesu mu jila, ni ngwe chize Yesu ahanjikile nenyi, yaalweza nawa chize alongesele ni hamu mu jina lienyi mu Damasku.

Yilinga 9:27 Iomraidhean Croise

Yilinga 11:22

Ni liji lia kutwala kuli ayo liahetele ku matwi ja chikungulwila chize chapwile ku Yerusaleme; o atumine Mbarnavwe akaye ndo ku Andiakia.

Yilinga 11:25

Iye wayile ku Tarsu mukufupa Saulu;

Yilinga 12:25

Ni Mbarnavwe ni Saulu akatukile ku Yerusaleme, ahilukile, muze te hamanununa uvumbiko wo, nikuneha nawa hamwe no Yoano, jina lienyi likwo, Marku.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 15:2

Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

Yilinga 4:36

Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

Yilinga 9:29

nikuhanjika ni hamu mu jina lia Mwene Yesu, nikuhangulula A-Ngresia; alioze afupile kumushiha.

1 Korintu 15:8

ha kusula eswe, ngwe kuli mwana wa kusema shimbu kanda, wamonekene kuli yami nawa.

1 Korintu 9:6

Shina yami wika ni Mbarnavwe kutushi chiyulo cha kulitwamina milimo, nyi?

Galashia 2:13

A-Yunda akwo alingile ni ulembekese chizechene hamwe nenyi; chocho chipwe Mbarnavwe wahungumukine ku ulembekese wo.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.