Yilinga 9:22 - MUKANDA USANDU WA ZAMBI 1975

²² Alioze Saulu wahianyine ni tachi, watupiekesele A-Yunda waze atwamine ku Ndamaseku, nikwasolwela yinyingi ngwenyi, Yono mwe Kristu.

Mukanda Wa Zambi 1970

²² Hindu Saulu yahiana tachi mu kwambujola chenyi, yakomwesa Ayuda waze te atwama mu Damasku. No kaahashile ko kumukumbulula muze waalumbununwine ngwenyi: “Yesu mwe Chilamwina yoze Zambi alakenyene.”

Yilinga 9:22 Iomraidhean Croise

Ubutukilo 49:24

Hindu uta wenyi watwama ni tachi. Moko jenyi aatakamishine ku moko ja Mukwa-Ndundo wa Yakomba. (Kwenako mukukatuka mwe kafunga, lie liwe lia Izalele;)

Jobe 17:9

Mukwa ululi kanalikoleza mu jila yenyi; mukwa kupema ku moko kanayi nikuliwezela tachi.

Miaso (Masamu) 51:13

Mba mungulongesa yivulumunyi majila je; akwa shili kumakalumukina kuli yena.

Miaso (Masamu) 84:7

Kakuya chize ku tachi ndo ku tachi. Eswe lukombo kakusoloka kumeso ja Zambi mu Zaione.

Izaya 40:29

Kakuhana ngolo kuli mukwa kulezumuka, kakuwezela tachi kuli yoze keshi ndundo.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yilinga 17:3

Nikulumbununa pundu nikulweza ngwe chatamba Kristu kwivwa lamba, nikuhinduka hakachi ka afu; ngwenyi, Yono Yesu ngunanwambulwilayo, iye mwe Kristu.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

Yilinga 9:21

Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe.

Yilinga 9:23

Muze matangwa anji amanunukine, A-Yunda atwamine punga akamushihe:

Yilinga 9:27

Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu.

1 Korintu 1:27

Alioze Zambi hanatongola yuma ya uhepuke ya hano hashi, hanga akakolese sonyi akwa mana, Zambi hanatongola yuma yilelu ya hano hashi, hanga akakolese sonyi yuma ya tachi;

Galashia 1:18

Kulutwe lia miaka yitatu nakandukile ku Yerusaleme mukunyingika Petulu, natwamine hamwe nenyi kumi lia matangwa ni matangwa atano.

Filipu 4:13

Kunahasa kulinga yuma yeswe muli yoze wakunguhashisa.

1 Timoteu 1:12

Nakusakwilila yoze wakunguhashisa, iye Kristu Yesu Mwene wetu, mumu Wangumwene nguli wamwenemwene, hangusela ku uvumbiko;