Yilinga 9:2 - MUKANDA USANDU WA ZAMBI 1975

² wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

Mukanda Wa Zambi 1970

² yamwita mikanda ya kunjila nayo mu mazuwo ja kuwayila ja Ayuda mu limbo lia Damasku Yazanga kufupa atu waze te akukaula jila ya Yesu, malunga ni mapwo, ha kwakwata ni kwaneha ku Yerusaleme.

Yilinga 9:2 Iomraidhean Croise

Ubutukilo 14:15

Yahandununa atu jenyi ha ufuku, iye ni ndungo jenyi. Yaalamba, yaahanga ndo ku Hoba, kwapwa ku sali lia chimeso lia Ndamaseku.

Izaya 17:1

Liji lia kutwala ku Ndamaseku ngwo, Ndamaseku kuyichi kupwa limbo nawa; muyipwa mulumba wa yiswaswa.

Jeremia 49:23

Ha kutwala ku Ndamaseku ngwo, Hamate ni Arpade kanatatajala, mumu hanevu lusango mupi. Kanasangunuka ni woma, kanapinji ngwe kalunga-lwiji yoze kahashile kuhwima.

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yilinga 18:25

Yono wafumbiwile mu jila ya Mwene; iye se wazangumioka mu Spiritu, wahanjikile, nikulongesa pundu yuma ya kutwala kuli Yesu, alioze kananyingika wika upapachiso wa Yoano:

Yilinga 19:23

Kwapwile ha mwaka uze wene Chizungozungo chinene ha kutwala ku Jila yino.

Yilinga 19:9

Alioze muze amwe akalile, kononokene, nikuhanjika chipi ha Jila yino kumeso ja chizavu, wakatukile kuli ayo, wahandunwine tumbaji, nikuhanjika ni atu tangwa ha tangwa mu shikola ya Teranu.

Yilinga 24:14

Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 24:22

Fwelishia, nikunyingika pundu ha kutwala ku Jila yino, waashimbwishile, ngwenyi, Muze manjolo Leshia mapalumuka, mungukasopa chikuma chenu.

Yilinga 26:10

Yize nawa nalingile mu Yerusaleme, ni yami mwene anji a kuli asandu naajilile mu mazuwo a ususu, se natambwile chiyulo kuli asasendote akwa lutwe, ni muze aashihile yami nachitayijile.

Yilinga 26:12

Alioze shimbu nayile mu wenyi ku Ndamaseku ni chiyulo ni poko ya kuli asasendote akwa lutwe.

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

Yilinga 7:19

Iye walingile ni kalimbavuli hali akwa munyachi wetu, walingile chipi kuli tulamba twetu, nikumbilisa haze ana-akemba jo hanga kechi kapwa ni mwono.

Yilinga 9:14

ni kuno poko ali nayo ya kuli asasendote akwa lutwe ya kukasa waze eswe akutambika ha jina lie.

Yilinga 9:21

Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe.

2 Korintu 11:32

Mu Ndamaseku, nguvulu wa kuyula kushi lia mwanangana Areta, wafungile limbo lia A-Ndamaseku, hanga akangukwate.

Galashia 1:17

chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.