Yilinga 9:19 - MUKANDA USANDU WA ZAMBI 1975

¹⁹ Mba walile, walitakamishine. Saulu wapwile matangwa amwe hamwe ni tumbaji a mu Ndamaseku.

Mukanda Wa Zambi 1970

¹⁹ Hohene Saulu yalia, yalitakamisa, yatambula nawa tachi. Saulu yatwama amwe matangwa hamwe ni tumbaji mu limbo lia Damasku.

Yilinga 9:19 Iomraidhean Croise

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 11:29

Ni tumbaji aliselele, mutu ni mutu nikulita ni upite wenyi, kutumisa kuli mandumbu waze atwamine mu Yundeya yimwe ya kulikwasa nayo:

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Yilinga 9:18

Haze hene yaholokele ku meso jenyi ngwe yihahi, iye walawile meso, wakatukile, amupapachishile.

Yilinga 9:26

Mba muze ahetele ku Yerusaleme, wesekele kulifutula kuli tumbaji; o eswe amuvwilile woma, se kamufulieleleko ngwe iye kambaji.

Yilinga 9:38

Se Lita chili hakamwihi ni Yopa, tumbaji se evwile ngwo, Petulu ko kwali, atumine malunga aali kuli iye nikumulemba ngwo, Kanda ulaluka kwiza kuli yetu.

Galashia 1:17

chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.

1 Samuel 30:12

Mba yamwaha chipinji cha chandanda cha makuyu ni yichakata yiali ya uva jumu. Muze te halia yahuzuluka mumu kalile, kanwine matangwa atatu ni ufuku utatu.