Yilinga 9:18 - MUKANDA USANDU WA ZAMBI 1975

¹⁸ Haze hene yaholokele ku meso jenyi ngwe yihahi, iye walawile meso, wakatukile, amupapachishile.

Mukanda Wa Zambi 1970

¹⁸ Hazehene yuma yalifwa ngwe mahalo ja yishi yiiholoka mu meso ja Saulu, neye yamona nawa, yakatuka, mba Anania yamupapachisa.

Yilinga 9:18 Iomraidhean Croise

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 22:13

wejile kuli yami, nikumana hakamwihi, wambile kuli yami ngwenyi, Ndumbu Saulu, laula meso. Ha ola yize yene nalawile meso, namumwene.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

Yilinga 9:19

Mba walile, walitakamishine. Saulu wapwile matangwa amwe hamwe ni tumbaji a mu Ndamaseku.

Yilinga 9:8

Mba Saulu wakatukile hashi, alioze muze alawile meso jenyi, kamwene nichimwe. Kashika amusongwelele ku kwoko, amutwalile ku Ndamaseku.

2 Korintu 3:14

Alioze manyonga jo alayile, mumu ndo tangwa lino, ha kutanga usendo ukulu, wanda kuunasala, kauchijile; mumu muli Kristu te wakuhwa.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.