Yilinga 9:10 - MUKANDA USANDU WA ZAMBI 1975

¹⁰ Achi, kwapwile umwe kambaji mu Ndamaseku, jina lienyi Ananiya; Mwene wambile kuli iye mu usolwelo ngwenyi, Ananiya. Iye wambile ngwenyi, Mwene, yami uno.

Mukanda Wa Zambi 1970

¹⁰ Mu Damasku yimubwa umwe kambaji jina lienyi te Anania. Mwene Yesu yahanjika nenyi mu Usolwelo ngwenyi: “Anania!” Neye yamukumbulula ngwenyi: “Yami uno, Mwene.”

Yilinga 9:10 Iomraidhean Croise

Ubutukilo 14:15

Yahandununa atu jenyi ha ufuku, iye ni ndungo jenyi. Yaalamba, yaahanga ndo ku Hoba, kwapwa ku sali lia chimeso lia Ndamaseku.

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Ubutukilo 31:11

Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

2 Samuel 15:26

Alioze nyi mamba ngwenyi, Chawahililile ni yena, mba yami uno akangulinge chize chamupemena.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 11:5

Napwile mu limbo lia Yopa, nikulemba: ngwe mu tulo namwene usolwelo, chimwe chikwachilo chahulumukine, ngwe hina linene, kanachisunwisa ku mbango jiwana mwilu; chejile ndo kuli yami.

Yilinga 12:9

Mba watuhukile, wamukawile; kanyingikine ngwenyi, Chino chuma chamwenemwene, chize alinga mungelo, alioze washinginyekene ngwenyi, Usolwelo ngunamono.

Yilinga 16:10

Muze te hamona usolwelo, haze hene twafupile kukatuka mukuya ku Masendoniya, nikunyonga ngwetu, Zambi hatutambika kwambujola sango lipema kuli ayo.

Yilinga 16:9

Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Yilinga 18:9

Mwene wambile kuli Paulu ha ufuku mu usolwelo ngwenyi, Kanda ukevwa woma, alioze hanjika, kanda ukahola:

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Yilinga 22:12

Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko,

Yilinga 9:12

iye hanamono mu usolwelo lunga jina lienyi Ananiya kananjila, akasayike moko jenyi hali iye, hanga alaule meso.

Yilinga 9:9

Iye wapwile matangwa atatu keshi meso, kalileko, chipwe kanwineko.

2 Korintu 11:32

Mu Ndamaseku, nguvulu wa kuyula kushi lia mwanangana Areta, wafungile limbo lia A-Ndamaseku, hanga akangukwate.

Galashia 1:17

chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.

1 Samuel 3:4

Yehova yasanyika Samuel. Iye yakumbulula ngwenyi, Yami uno.