Yilinga 8:27 - MUKANDA USANDU WA ZAMBI 1975

²⁷ Iye yakatuka, yaya: ni kumanyi, umwe unuku, Ka-Etiopia, wa chiyulo kushi lia Kandese, mwanangana wa A-Etiopia, iye wapwile ni chiyulo helu lia upite wenyi weswe, te heza mukuwayila ku Yerusaleme;

Mukanda Wa Zambi 1970

^27-28 Filipe yakatuka, yaya. Kuma mu jila yamona umwe mutu, Aetiopia, wakutunguna, kafufuchi ka mwanangana wa pwo Kandase, wa ku chifuchi cha Etiopia. Mwenawo te wakulama ubite wenyi weswe. Te ku Yerusaleme anakatuka, kwe ayile ni kuwayila. Muze anahiluka ku mahio, yatwama mu temba lienyi nikutanga mukanda wa mukwa munanyi wa Zambi, Izaya.

Yilinga 8:27 Iomraidhean Croise

1 Yitanga Ya Mianangana 10:1

Muze mwanangana wa pwo wa Shipa yevwa lufuma wa Solomone wa kutwala ku jina lia Yehova, yeza kumweseka ni yihula yikalu.

Miaso (Masamu) 68:29

Mianangana kumakunehena milambu mumu ha tembele ye ku Yerusaleme.

Miaso (Masamu) 68:31

Yilolo makatuka ku Engitu; Etiopia malipupwisa kuzoza moko jenyi kuli Zambi.

Miaso (Masamu) 87:4

Munguvuluka Rahape ni Babilonia hakachi ka waze anangunyingika. Enu A-Filistea, ni A-Teru, ni Etiopia, talenu, yono wasemukineko.

Izaya 18:7

Ha mwaka uze maneha milambu kuli Yehova-wa-Tujita ku vungu lia atu asuku, asenena, ku vungu lia atu a kukolesa woma kwihi ni kusuku, vungu lia tachi, lia kukumba; chifuchi cho cha kupulapula ni njiji, kwe ku mulundu wa Zaione, kuma kwa jina lia Yehova-wa-Tujita.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 60:3

Mavungu makeza ku pangu lienu, mianangana makeza ku kupanguluka cha kuvumbuka chenu.

Izaya 60:6

Mbunga ya tumelu muyikanufuka, yimbembe ja tumelu a ku Mindiane ni Efwa. Ni akwa Shipa eswe kumakeza. Makaneha oru ni libano; kumakambulula uhaliso wa Yehova.

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Jeremia 13:23

Te Ka-Etiopia mahasa kwalumuna kowa lienyi? Hanji changwi mahasa kwalumuna yipeka yenyi? Nyi o mahasa ni yenu munuhasa kulinga yipema, yenu nwalijilila nikulinga yipi.

Jeremia 38:7

Umwe Ebede-meleke, unuku wa ku Etiopia, mukwa zuwo lia mwanangana muze hevwa chize hasa Jeremia mu wina—mwanangana te kanatwama mu chikolo cha Mbenjamine—

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Zefania 3:10

Sali lize lia njiji ja Etiopia akwa kungwita, mwana wa pwo atu jami a kumwanga makaneha mulambu wami.

Mateu 12:42

Ha upatwilo mwanangana wa pwo wa ku Sule kumakahinduka ni chisemuko chino, mba makachihisa: mumu iye wakatukile ku masongo a hashi mukwivwa mana ja Solomone; mba, umwe Wahiana Solomone kuno kwali.

Yoano 12:20

Hakachi ka waze akandukile mukuwayila ku chiwanyino kwapwile amwe A-Ngresia.

Yilinga 8:28

machihiluka nikutwama mu temba lienyi, kanatange mukanda wa profeta Izaia.

Shimbi 30:13

Chipwe kuliapwile mu sali lia kalunga-lwiji, nwambe ngwenu, Iya matuzaukila kalunga-lwiji, atunehenelio? Iya matuvwisalio, hanga tulilinge?

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.