Yilinga 8:26 - MUKANDA USANDU WA ZAMBI 1975

²⁶ Alioze mungelo wa Mwene wahanjikile kuli Fwilipe ngwenyi, Katuka, uye ku Sule mu jila yize ya kukatuka ku Yerusaleme ya kupalumuka ku Ngeza: yenayo puya.

Mukanda Wa Zambi 1970

²⁶ Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

Yilinga 8:26 Iomraidhean Croise

Ubutukilo 10:19

Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

1 MIANANGANA 1:3

Alioze mungelo wa Yehova yamba kuli Eliya Ka-Tishibe ngwenyi, Katuka upatwize mikeji ja mwanangana wa Samaria wambe kuli ayo ngwe, Nunayi kuli Mbale-Zepupe, zambi ya Ekrone, mumu mwe Zambi wakuhi mu Izalele, nyi kuchi?

1 Sango Ja Mianangana 22:16

ya kutwala ku oru, ni prata, ni unengu, ni utale, kashika, katuka ulinge ni Yehova akapwe hamwe ni yena.

Zakaria 9:5

Asekalone makachimona; makevwa woma; ni Ngeza nawa mba makalifwita ni yikola. Ni Ekrone nawa mumu kutalatala chenyi hichafuwa. Mwanangana wa Ngeza makafwa; Asekalone makasala keshi ni atu.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 10:7

Muze mungelo yoze wahanjikile kuli iye hakatuka, watambikile aali a ku ngamba jenyi a mu zuwo, ni swalale mukwa kuwayila wa kuli waze amuvumbikile matangwa eswe.

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

Yilinga 8:29

Spiritu wambile kuli Fwilipe ngwenyi, Kundama, uye ni temba lino.

Yilinga 8:5

Fwilipe wapalumukine ku limbo lia Samaria, wambujolele Kristu kuli ayo.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Yoshua 13:3

(Chize ku Shihore ku Chivumbuko cha Engitu ndo ku njiza ya Ekrone ku Norte cheswe, ngwo, cha A-Kanana. Mianangana atano a A-Filistea aliko; au wa Ngeza, au wa Ashedode, au wa Asekalone, au wa Ngate, au wa Ekrone) ni cha A-Avimi.

Yoshua 15:47

Ni Ashedode ni membo jako ni tuyihunda twako, ni Ngeza ni membo jako ni tuyihunda twako, ndo ku lwiji wa Engitu, ni Kalunga-lwiji Munene ni mbaka yenyi.