Yilinga 8:23 - MUKANDA USANDU WA ZAMBI 1975

²³ Mumu ngunakumono ngwe uli mu kasashisa ka usasu ni mu kana lia uhenge.

Mukanda Wa Zambi 1970

²³ Mumu ngunamono ngwami, mbunge ye yinasase ngwe kasashisa mu jimo lia mutu. Unakashiwa mu ngoji ja shili.”

Yilinga 8:23 Iomraidhean Croise

Jobe 20:14

hindu kulia chenyi muchikonda mu lufu wenyi; muchalumuka utende wa chihili mu jimo lienyi.

Miaso (Masamu) 116:16

Yehova, chamwenemwene nguli kavumbi ke. Nguli kavumbi ke, mwana wa kavumbi ke wa pwo, hiunakasulula makana jami.

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Izaya 28:22

Kashika kanda nulenya kuchina makolesa mihipu yenu; mumu hinevwa shimbi yimwe ya kwonwona kuli Mwene Yehova-wa-Tujita ha chifuchi cheswe.

Izaya 58:6

Chize nakutongola yami ngwe tangwa lia kulitwamina kulia, ngwami, Kachi kujitula mihipu ya ungulungulu, kujitula yikapa ya kuli, kwecha akwa lamba atusuke, kumakuna kuli jeswe.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 9:15

kashika Yehova-wa-Tujita mwe Zambi ya Izalele kanambe ngwenyi, Mungulisa e atu musase nikwaaha meya a kasashisa akanwe.

Lungungu 3:19

Iwuluka luyinda wami ni usasu wami, musase ni kasashisa.

Lungungu 3:5

Hanguseleka ni kungulimba ni usasu ni huli.

Yoano 8:34

Yesu waakumbulwile ngwenyi, Pundu, pundu, ngunambe kuli yenu ngwami, Mweswawo kakuvulumiona, iye ndungo ya shili.

Efesu 4:31

Usasu weswe, ni ufwatulo, ni utenu, ni zungo, ni kutukana, yimbilenu, hamwe ni uhuka weswe.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

2 Petulu 2:19

Kakwalakenya utuswilo, shimbu ayo ene anapu ndungo ja kupola; mumu ku chize makumba mutu, ku chize nawa mamupwisa ndungo.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.