Yilinga 8:21 - MUKANDA USANDU WA ZAMBI 1975

²¹ Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.

Mukanda Wa Zambi 1970

²¹ Kuushi Chihanda chibwe chitundo mu milimo yino, mumu mbunge ye kuyalulamine ku meso ja Zambi.

Yilinga 8:21 Iomraidhean Croise

2 Sango Ja Mianangana 25:2

Walingile chipema kumeso ja Yehova alioze hi ni mbunge yingunu ko.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Miaso (Masamu) 36:1

Utanguko wa chingulungulu kuunambe mu mbunge yami ngwo, Kukushi woma wa Zambi kumeso jenyi.

Ezekiel 14:3

Mwana mutu, wano atu hanjisa mahamba jo mu mbunge jo, ni kusa chitalingiso cha uhenge wo kumeso jo. Te changutamba kwatayiza, chipwe hakehe, eze nikuhula kuli yami nyi?

Alevi 13:8

Sasendote makamutala nawa, mba nyi musongo hiwatanda mu kowa sasendote makamuvuluka ngwenyi, Wa luchisa, wapwa musongo wa mbumba.

Habakuke 2:4

Mbunge yenyi yinalifuzu; kuyalulamine muli iye. Alioze mukwa ululi kumenda ku Ufulielo wenyi.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yilinga 8:37

Fwilipe wambile ngwenyi, Nyi Unafuliela ni mbunge ye yeswe, muchilita. Iye wakumbulwile ngwenyi, Ngunafuliela Yesu Kristu iye mwe Mwana Zambi.

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Shimbi 10:9

Kashika A-Levi keshi chihanda chipwe chihinga hamwe ni akwo. Chihinga cho, Yehova, nikulita ngwe ambile kuli iye Yehova Zambi yenu.)

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Yoshua 22:25

Se Yehova hasela Yordau njiza hakachi ka yetu ni yenu, kashika enu A-Rupene ni A-Ngate kunushi ni chihanda muli Yehova. Chocho ana jenu hanji machinda ana jetu kuwayila Yehova.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

Usolwelo 20:6

Kawaha ni musandu yoze uli ni chihanda mu Uhindukilo utangu; hali wano kufwa chamuchiali kuchishi chiyulo nichimwe; aiioze makapwa asasendote a Zambi ni a Kristu, makayula hamwe nenyi kanunu ka miaka.

Usolwelo 22:19

Nyi kachi umwe machiza ku maliji a mukanda wa uprofeto uno, kachi Zambi makachiza chihanda chenyi ku mutondo wa mwono, ni mu limbo lisandu, ni ku yuma yize yinasonewa mu mukanda uno.