Yilinga 8:17 - MUKANDA USANDU WA ZAMBI 1975

¹⁷ Hohene asayikile moko jo hali ayo, no atambwile Spiritu Musandu.

Mukanda Wa Zambi 1970

¹⁷ Mba Petulu ni Yoano yaasa moko; no yaatambula Mwiku wa Linanga.

Yilinga 8:17 Iomraidhean Croise

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Kwalula 8:10

Ukatumbikile A-Levi kumeso ja Yehova. A-Izalele akasayike moko jo hali A-Levi.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Yilinga 13:3

Hohene, muze te halitwamina kulia, yalemba, yasayika moko jo hali ayo akaye.

Yilinga 19:6

Muze te Paulu hasayika moko jenyi hali ayo, Spiritu Musandu wejile hali ayo; o ahanjikile mu malimi, nikuprofeteza.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 6:6

waze aasele kumeso ja apostolo: mba muze te halemba, asayikile moko jo hali ayo.

Yilinga 8:18

Achi, muze Semone amwene ngwe ahanyine Spiritu ha kusayika cha moko ja apostolo, wafupile kwaaha mbongo,

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

A-ROMA 1:11

Mumu ngunevu usona kunumona, hanga ngukalianyine ni yenu chawana chimwe cha vumbi, cha uspiritu, hanga nukajikize;

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

1 Timoteu 5:22

Kanda ukasayika moko nikawashi hali mutu niumwe, chipwe kanda ulikunda ni milonga ya mbala: ukalinange.

2 Timoteu 1:6

Ha chikuma chino ngunakwiwulula ukawunge chawana cha Zambi, chize chili muli yena ku kusayika cha moko jami.

Hebreu 6:2

ni ya longeso lia kusana, ni ya kusayika cha moko, ni ya Uhindukilo wa afu, ni ya upatwilo wa mutolo.