Yilinga 8:16 - MUKANDA USANDU WA ZAMBI 1975

¹⁶ mumu iye kanda achiza hali niumwe hakachi ko: alioze haapapachisa wika mu jina lia Mwene Yesu.

Mukanda Wa Zambi 1970

¹⁶ Mumu te hanaapapachisa mu jina lia Mwene Yesu, alioze Mwiku te kanda uchihulumuka kama muli umwe wa kuli ayo.

Yilinga 8:16 Iomraidhean Croise

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Yilinga 19:2

wambile kuli ayo ngwenyi. Nwatambwile Spiritu Musandu muze nwafulielele, nyi? Ngwo, Ka, kutwevwile chipwe kachi Spiritu Musandu heza.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

A-ROMA 6:3

Shina nunalajala, nyi? Ngwe yetu eswe hanatupapachisa muli Kristu Yesu, hanatupapachisa mu kufwa chenyi?

Galashia 3:27

Mumu eswe a kuli yenu anupapachishile muli Kristu, hinunazala Kristu.