Yilinga 8:14 - MUKANDA USANDU WA ZAMBI 1975

¹⁴ Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

Mukanda Wa Zambi 1970

¹⁴ Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

Yilinga 8:14 Iomraidhean Croise

1 Yitanga Ya Mianangana 13:32

Mumu liji lize ambile ku kanwa lia Yehova lia kulimika ni chilumbilo cha Mbetele, ni kulimika ni mazuwo eswe ha manangamo a mu yihunda ya Samaria, kumulikamanunuka pundu.

Mateu 13:23

Yize mayikuwa ha mavu apema, iye yoze mevwa liji, malinyingika, mema mbuto, umwe kulakaji, ni mukwo makumi asambano, ni mukwo makumi atatu.

Luka 22:8

Iye watumine Petulu ni Yoano, ngwenyi, Yénu, nukatuluiikile Chizomboka, hanga tukalie.

Yoano 12:48

Yoze malituna yami, keshi Kutambula maliji jami, kali ni yoze mamupatwila: liji lize nahanjikile, lienalio kumulikamupatwila ha tangwa lia kusula.

Yilinga 11:1

Achi, apostolo ni mandumbu waze apwile mu Yundeya evwile ngwo, Akwa mavungu nawa hatambula Liji lia Zambi.

Yilinga 15:4

Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 17:11

Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

1 Tesalonika 2:13

Ha chikuma chino twakusakwila kuli Zambi, nikulitwamina nichimwe, ngwe muze nwatambwile liji lia sango lia Zambi kuli yetu, nwalitambwile hi ngwe liji lia atu ko, alioze chizechene ngwe liapwa chamwenemwene, liji lia Zambi, lienalio nawa kuliakulinga kanawa muli yenu akwa kufuliela.

1 Tesalonika 3:2

Twatumine Timoteu, ndumbwetu, kanda kavumbi ka Zambi mu sango lipema lia Kristu, mukunutakamisa, nikunulembejeka ha kutwala ku Ufulielo wenu;

2 A-TESALONIKA 2:10

ni milali yeswe ya kwonga cha mumu katambwile zango lia umwenemwene, hanga akaalamwine.