Yilinga 8:1 - MUKANDA USANDU WA ZAMBI 1975

¹ Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

Mukanda Wa Zambi 1970

¹ Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

Yilinga 8:1 Iomraidhean Croise

Nehemia 6:3

Kashika yingutuma tunganda kuli ayo ngwami, Ngunalingi milimo yinene, kashika Chahashile kupalumuka. Ngushihe milimo ha kuyihichika, ngukapalumuke kuli yenu?

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Daniel 6:23

Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Mateu 22:6

Akwo akwachile ndungo, nikwalinga chipi, nikwashiha.

Mateu 23:34

Kashika mungutuma kuli yenu aprofeta ni akwa mana, ni akwa kusonyeka: amwe a kuli ayo munukaashiha nikwahachila ha kulusu; ni akwo a kuli ayo munukaalamba ni shikote mu masunangonga jenu, nikwahungumiona katu ku limbo ndo ku limbo,

Mateu 5:13

Yenu nuli mungwa wa hashi: alioze kachi mungwa unasamuka, neka mauyemesa nawa? Kuwatele nawa nichimwe shina kuumbila haze, akauliate kushi lia yiliato ya atu.

Yoano 15:20

Iwulukenu liji lize nambanga kuli yenu ngwami, Ndungo keshi kuhiana mwene wenyi. Kachi anguhungumionene, kachi ni yenu nawa makanuhungumiona; kachi afu-ngile liji liami, kachi makafunga liji lienu nawa.

Yoano 16:2

kumakanukatwisa ku masunangonga; ewa, mwaka muwiza, muze mweswawo manushiha, makashinginyeka ngwe kanalingi milimo ya Zambi.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 22:20

Muze amwangine manyinga ja chela che Eshetevau, yami nawa te ngunamanako, nikuchitayiza, nikufunga mazalo ja waze amushihile.

Yilinga 26:10

Yize nawa nalingile mu Yerusaleme, ni yami mwene anji a kuli asandu naajilile mu mazuwo a ususu, se natambwile chiyulo kuli asasendote akwa lutwe, ni muze aashihile yami nachitayijile.

Yilinga 5:18

Akwachile apostolo, aasele mu zuwo lia ususu.

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

Yilinga 5:33

Alioze, muze evwile chino, alichokele mu mbunge, azangile kwashiha.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 7:38

Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho:

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.

Yilinga 7:58

amumbilile haze lia limbo, amwashile mawe; ni yela atumbikile mazalo jo ku molu ja umwe mukweze, jina lienyi, Saulu.

Yilinga 8:14

Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

Yilinga 8:2

Akwa kuwayila afunjile Eshetevau, alilile mbimbi chikolo hali iye.

Yilinga 8:4

Waze kashika amwanganyine ayile kweswe nikwambujola lie liji.

Yilinga 8:5

Fwilipe wapalumukine ku limbo lia Samaria, wambujolele Kristu kuli ayo.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

Filipu 1:12

Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema.

Hebreu 11:27

Ku Ufulielo wehukile Engitu, kuchapwile ngwe wevwile woma wa ufwatulo wa mwanangana: mumu wanyongonwene ndusu ngwe kanamono yoze keshi kumoneka.