Yilinga 7:60 - MUKANDA USANDU WA ZAMBI 1975

⁶⁰ Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

Mukanda Wa Zambi 1970

⁶⁰ Mba yasa makungunwa hashi nikukololoka ni liji linene ngwenyi: “Mwene, kanda walula kama mulonga uno alinga.” Muze te hamba maliji wano, yafwa kwenyi.

Yilinga 7:60 Iomraidhean Croise

Ezra 9:5

Ha ola ya mulambu wa ngoloshi nakatukile ku kulilelesa chami, ni chikuto ni hina ya kusonya. Nazondamine ha makungunwa jami nikwolola moko jami kuli Yehova Zambi yami.

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Mateu 27:52

ni mafuka apakukile; ni mijimba yinji ya asandu waze ayile tulo kulu yahindukile;

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Luka 6:28

Wahisenu waze akunushinga, lembenu hali waze akunulinga chipi.

Yoano 11:11

Yino yuma wambile, ni kulutwe yamba kuli ayo ngwenyi, Kasendo ketu Lazaru hanayi mu tulo; alioze munguya, hanga ngukamulawise mu tulo.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Yilinga 20:36

Muze te hamba yino yuma, waliumbile makungunwa, walembele hamwe no eswe.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

1 Korintu 11:30

Ha chikuma chino anji a kuli yenu nunalele, nunasalwoka, ni hi akehe ko mu tulo ali.

1 Korintu 15:18

Mba waze nawa hanayi tulo muli Kristu, hanatoko.

1 Korintu 15:20

Alioze haliapwila hanahindwisa Kristu hakachi ka afu, muhuko utangu wa kuli waze hanayi tulo.

1 Korintu 15:51

Talenu, ngunanwambulwila chijimbikilo; yetu eswe kutuchi kaya tulo, alioze makatwalumuna eswe.

1 Korintu 15:6

kulutwe amonekene kuli mandumbu kuhiana kulakaji atano ha chisuho chimuwika, a kuli ayo anji ali ni mwono ndo haliapwila, alioze amwe hanayi tulo;

1 Tesalonika 5:10

yoze watufwilile, hanga chipwe tunalaula, chipwe tuli mu tulo, tukatwame ni mwono hamwe nenyi.

2 Timoteu 4:16

Ha kukumbulula chami chitangu, niumwe kamanyine ni yami, alioze eswe angwehukile: kanda akaatwikacho.

2 Petulu 3:4

Mamba ngwo, Chilakenyo cha kuheta chenyi Chilihicho? Mumu hanga tulamba ayile tulo, yuma yeswe kuyakutwama chizechene ngwe yapwile chize ku uputukilo wa kutanga.