Yilinga 7:59 - MUKANDA USANDU WA ZAMBI 1975

⁵⁹ O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.

Mukanda Wa Zambi 1970

⁵⁹ Muze te anamwase mawe, Estevau (Etienne) yakololoka ngwenyi: “Mwene Yesu, tambula kama mwono wami.”

Yilinga 7:59 Iomraidhean Croise

1 Yitanga Ya Mianangana 21:13

mba e malunga aali amokomoko yanjila, yatwama kumeso jenyi. Malunga aze amokomoko yamushindakenya, ngwami Nabote, kumeso ja atu ngwo, Nabote hashililika Zambi ni mwe mwanangana. Yamutwala haze lia chihunda, yamwasa mawe, yafwa.

Miaso (Masamu) 31:5

Mu kwoko lie ngunakunjika Spiritu yami. Yehova, yena hiwangukula, uli Zambi ya umwenemwene.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Luka 23:46

Yesu, nikutambika ni liji linene, wambile ngwenyi, Tata, mu moko je ngunakunjika Spiritu yami; muze te hamba chino, watulile mwono wenyi.

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

Yilinga 9:14

ni kuno poko ali nayo ya kuli asasendote akwa lutwe ya kukasa waze eswe akutambika ha jina lie.

Yilinga 9:21

Ni waze eswe amuvwile alishikishilile, ngwo, Yono hi yoze ko wapukile mu Yerusaleme waze atambikile ha jina lino, nyi? Ni kuno wejile ha chikuma chino, hanga akaatwale a kukasa kuli asasendote akwa lutwe.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

2 Timoteu 2:22

Alioze China usolo wa ukweze, ukakaule ululi, ni Ufulielo, ni zango, ni sambukila, hamwe ni waze akutambika hali Mwene ni mbunge yipema.