Yilinga 7:52 - MUKANDA USANDU WA ZAMBI 1975

⁵² Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Mukanda Wa Zambi 1970

⁵² Hakachi ka akwa munanyi a Zambi, iya tushakulu twenu kaahungumionene ko kama? Yaashiha akwa munanyi waze ambujolele shimbu kanda hakutwala ku kwiza cha Mukwa Ululi. Ni haliabwila hinunamukunjika kuli akwa kole jenyi, hinunamushihi.

Yilinga 7:52 Iomraidhean Croise

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 Yitanga Ya Mianangana 19:14

Aye yamba ngwenyi, Nguli ni mbunge ya kuzanga wika Yehova Zambi-ya-Tujita, mumu A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala mba kanafupu kungutambula mwono wami.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 20:2

Kashika Pashure yalamba profeta Jeremia, ni kumuyikila mu kuli jize japwile ku chikolo cha Mbenjamine cha ku tunda ku zuwo lia Yehova.

Jeremia 26:15

Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Jeremia 26:23

o yasaka Uriya ku Engitu yamuneha kuli mwanangana Jehoakime. Aye yamushiha ni katana, yambila mujimba wenyi mu chifuka cha atu amokomoko.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Luka 6:23

Wahililenu ha tangwa lize, tumbwokenu ni uwahililo; mumu kwononona chenu chinene mwilu, mumu chizechene akako alingile kuli aprofeta.

Yoano 16:10

ha kutwala ku ululi, mumu munguya kuli Tata, ni yenu kunushi kungumona nawa;

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 22:14

Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 3:24

Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

2 Timoteu 3:4

akwa kuhandukulula, akwa kulipupula, akwa kulifuza, akwa kufwila kuwaha hi Zambi ko.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

1 Yoano 2:1

Anami akepe, yino yuma ngunasoneka kuli yenu, hanga kunuchi kuvulumuna, nyi kachi umwe mavulumuna, Hako tuli nenyi kumeso ja mwe Tata, Yesu Kristu, mwe mukwa ululi.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi: