Yilinga 7:5 - MUKANDA USANDU WA ZAMBI 1975

⁵ alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Mukanda Wa Zambi 1970

⁵ Alioze kamuhele ko chihinga, chibwe haze manangika kulu lienyi. Ni mwene te kanda achibwa ni mwana, muze Zambi hamulakenya ngwenyi: ‘Mungukwaha chifuchi chino, yena ni vungu lie kulutwe.’

Yilinga 7:5 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 16:2

Serai yamba kuli Apalama ngwenyi, Tala haliapwila Yehova hangujika ngoji. Ngunasakwila, uchinjile kuli ndungo yami wa pwo, hanji munguwana ana kuli iye. Mba Apalama wapanjikile liji lia Serai.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Nehemia 9:8

Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Shimbi 10:11

Yehova yamba kuli yami ngwenyi, Katuka, uye wenyi we kumeso ja atu, o kumakanjila ni kuzuka chifuchi, nalishingile kuli tulamba two ngwami, Mungwaahacho.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 2:5

Kanda nulimika no, mumu te chichi kunwaha chifuchi cho, ka, chipwe haze munusa chiliato chenu, mumu hingunahana chihinga mulundu wa Sere kuli Esau.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.