Yilinga 7:45 - MUKANDA USANDU WA ZAMBI 1975

⁴⁵ Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David.

Mukanda Wa Zambi 1970

⁴⁵ Tushakulu twetu akwo yaalitambula kuli atato. No yaalimbata muze ahumine yilambala kulutwe lio, tetekeli yo Yoshua. Zuwo lize yilisala ndoo ku miaka ya mwanangana David.

Yilinga 7:45 Iomraidhean Croise

1 Yitanga Ya Mianangana 8:4

Yaneha mushete wa Yehova, ni mbalaka ya chikungulwila, ni yikwata yeswe yisandu ya mu mbalaka, ayo yeswe asasendote ni A-Levi yayineha.

1 Sango Ja Mianangana 16:39

Ni sasendote Zadoke ni usoko wenyi asasendote kulutwe lia tabernakulu ya Yehova mu nangamo lize lili mu Ngibeone,

1 Sango Ja Mianangana 21:29

Mumu tabernakulu ya Yehova yize Mose watungile mu puya, ni chilumbilo cha milambu ya kulumba, ha miaka yize yichili ha nangamo ku Ngibeone.

1 Sango Ja Mianangana 7:27

ni mwanenyi Nune, ni mwanenyi Yoshua.

Nehemia 9:24

Chocho e ana anjilile ni kuzuka chifuchi, ni yena wazeyesele enya chifuchi kumeso jo, ngwami, A-Kanana; waakunjikile mu moko jo hamwe ni mianangana jo ni mavungu a chifuchi akalinge no cheswacho azangile.

Miaso (Masamu) 44:2

Yena ni kwoko lie wahumine akwa mavungu, alioze o waatumbile. Wapinjishile e mavungu alioze o waatuswile.

Miaso (Masamu) 78:55

Wahumine mavungu kumeso jo nikwahana ngwe chihinga cha kweseka ni mihipu. Wanjishile minyachi ya Izalele akatwame mu mbalaka jo.

Miaso (Masamu) 80:8

Wachijile chinjinda cha uva ku Engitu. Wahumine mavungu ukachitumbe.

Yilinga 13:19

Muze te hapupa mavungu shimbiali mu chifuchi cha Kanana, waahele chifuchi cho ngwe chihinga, ngwe kulakaji awana a miaka ni makumi atano a miaka.

Shimbi 32:49

Kanduka mulundu uno wa Aparime, ku mulundu wa Nebo uli mu chifuchi cha Moape, watalangana ni Yeriku, utale chifuchi cha Kanana, munguchihana kuli A-Izalele akachizuke.

Hebreu 4:8

Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 23:9

Mumu Yehova hahuma kumeso jenu mavungu anene a tachi, mba ha kutwala kuli yenu, niumwe hahasa kuhamika ni yenu ndo musono.

Yoshua 24:18

Yehova wahumine kumeso jetu atu eswe, e A-Amore atwamine mu chifuchi, kashika ni yetu nawa mutulingila Yehova mumu iye Zambi yetu.

Akwa Kuyula 18:31

Chocho ajikile kaponya wa kwola yoze Mika walingile shimbu lieswe zuwo lia Zambi liapwile ku Shilo.

1 Samuel 4:4

Kashika atumine ku Shilo anehe mushete wa usendo wa Yehova-wa-Tujita yoze watwama hakachi ka akerupimi. Ana aali a Eli, Hofni ni Finehase apwileko hamwe ni mushete wa usendo wa Zambi.