Yilinga 7:44 - MUKANDA USANDU WA ZAMBI 1975

⁴⁴ Tulamba twetu apwile ni mbalaka ya Shindakenyo mu puya, chizechene ngwe yoze wahanjikile kuli Mose, wahanyine shimbi, ngwo, Akachihinge nikulita ni cheseko chize hamona kulu.

Mukanda Wa Zambi 1970

⁴⁴ “Mu puya, tushakulu twetu yaabwa ni zuwo liakutunga ni makubu. Zuwo lize yilishindakenya ngwo, Zambi te kakubwa hamwe no. Yaalilinga ngwe chize Zambi ambilile Mose, nikulita ni chilweza chize Mose hanamono.

Yilinga 7:44 Iomraidhean Croise

1 Sango Ja Mianangana 28:11

Mba David yahana kuli mwanenyi Solomone cheseko cha senge lia tembele, ni mazuwo jayo, ni mazuwo ja upite wayo, ni yipatulo yayo ya kwilu, ni yipatulo yayo ya muchima, ni kuma kwa chitwamo cha keke,

1 Sango Ja Mianangana 28:19

David ngwenyi, Chino cheswe hanangulongesa cha kusoneka ku kwoko lia Yehova; milimo yeswe ya cheseko chino cheswe.

2 Sango Ja Mianangana 24:6

Kashika mwanangana yasanyika Jehoiada mwe mukwa lutwe, yamuhula ngwenyi, Kuchi te kwashinjikile A-Levi akatambule kuli A-Yunda ni A-Yerusaleme ni chikungulwila cha Izalele mbongo jize atongwele kuli Mose kavumbi ka Yehova ha mbalaka ya Shindakenyo?

Kutuhuka 25:40

Utale kanawa, ukayilinge nikulita ni cheseko hinakulweza ha mulundu.

Kutuhuka 26:30

Ukamike ye tabernakulu nikulita ni cheseko chayo chize nakulwezele ha mulundu.

Kutuhuka 27:8

Ukachisonge ni matabua, muchima wacho mwamokomoko, chizechene ngwe nakulwezele ha mulundu, chocho akachisonge.

Kutuhuka 38:21

Achi te kwalula cha yuma ya ku tabernakulu, tabernakulu ya Shindakenyo, chizechene ngwe ayalwile nikulita ni liji lia shimbi ya Mose ya ha uvumbiko wa A-Levi ku kwoko lia Itama, mwana wa sasendote Arone.

Kwalula 10:11

Ha mwaka wamuchiali, ha kakweji wamuchiali, ha tangwa makumi aali lia mwe kakweji, lelwa yilikatuka ha tabernakulu ya shindakenyo.

Kwalula 18:2

Ni akwenu nawa, akwa munyachi wa Levi, we munyachi wa kalamba ke, ukaakundamise hamwe ni yena, hanga akalinunge hamwe ni yena akakuvumbike; alioze yena ni ana je a malunga hamwe ni yena nukapwe kulutwe lia mbalaka ya Shindakenyo.

Kwalula 9:15

Ha tangwa lize amikine tabernakulu, lelwa yilifuka ye tabernakulu, te mbalaka ya chikungulwila. Ha chingoloshi liapwile ha tabernakulu ndo kwachile. Kulitala ngwe kahia.

Hebreu 8:2

kavumbi ka muma musandu, ni ka mbalaka yamwenemwene yize Mwene watungile, hi atu ko.

Hebreu 8:5

(Waze akulingila chilweza ni Chizulie cha yuma ya mwilu, ngwe Zambi watumbile Mose, muze aputukile kutunga mbalaka: mumu kanambe ngwenyi, Tala ukatunge yuma yeswe nikulita ni cheseko chize hanakulweze ha mulundu.)

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 3:14

Chocho muze atu akatukile ku mbalaka jo akazauke Yordau, hamwe ni asasendote anambata mushete wa usendo kumeso ja atu,