Yilinga 7:43 - MUKANDA USANDU WA ZAMBI 1975

⁴³ Ewa, nwanjile mbalaka ya Moloko, ni lutongonoshi wa zambi yenu Refwame, tuponya aze nwaatangilemuk wakombelela: kumungukanututulwila kuze-kanda lia Babilonia.

Mukanda Wa Zambi 1970

⁴³ Ka, alioze nwambachile zuwo lia zambi yenu Moleke, liakutunga ni makubu, ni kaponya ka lutongonoshi wa zambi yenu Refane. Wano e mahamba nwalingile ha kwakombelela. Kashika, mungukanukonga kunyima lia limbo lia Babilone.’

Yilinga 7:43 Iomraidhean Croise

1 Yitanga Ya Mianangana 11:7

Henaho Solomone yatunga nangamo hali Chemoshe che chizelwokeso cha A-Moape mu mulundu kulutwe lia Yerusaleme, ni hali Moleke che chizelwokeso cha A-Amone.

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

1 MIANANGANA 18:11

Mwanangana wa Asuria yatwala A-Izalele ku Asuria; yaasa mu Hala, ni mu Habore ha lwiji Ngozane, ni mu yihunda ya A-Media,

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Amose 5:25

Te nwangunehenene yitapo yenu ni milambu yenu ha makumi aze awana a miaka mu puya, enu munyachi wa Izalele?