Yilinga 7:38 - MUKANDA USANDU WA ZAMBI 1975

³⁸ Yono wapwile mu chikungulwila mu puya, hamwe ni mungelo yoze wahanjikile kuli iye ha mulundu wa Sinai, ni hamwe ni tulamba twetu: iye watambwile maliji a mwono hanga akatweho:

Mukanda Wa Zambi 1970

³⁸ Mwenawo mwe wabwile mu Chikungulwila hamwe ni Aisraele mu puya. Iye kabwile hamwe ni tushakulu twetu ni hamwe ni kanganda ka mwilu yoze ahanjikile nenyi ha mulundu wa Sinai, iye watambwile maliji a mwono hanga akatwehe o.

Yilinga 7:38 Iomraidhean Croise

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Yoano 6:63

Yoze wakupwisa ni mwono, mwe Spiritu; musunya kuushi kufumbuka nichimwe; maliji aze ngunahanjika kuli yenu, Spiritu ni mwono.

Yilinga 7:30

Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa.

Yilinga 7:35

Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa.

Yilinga 7:53

Yenu nwatambwile shimbi, yize ayihanyine ku kwoko lia angelo, alioze kunwayifungileko!

A-ROMA 3:2

Chinji ha yuma yeswe: hatangu, mumu chamwenemwene aakunjikile maliji a Zambi.

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

Galashia 3:19

Mba shimbi yaka? Ayiwezele mumu ha Utanguko, ndo we munyachi muwiza, yoze amuhele chilakenyo; ayikolesele kuli angelo, mu kwoko lia chitakanyishi.

Shimbi 33:4

Mose yatwaha shimbi, ayo chihinga cha chikungulwila cha Yakomba.

Hebreu 2:2

Mumu kachi liji alihanjikile mu makanwa ja angelo liakolele, ni Utanguko weswe ni uhulia weswe watambwile fweto ya kulita;

Hebreu 4:12

Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge.

Hebreu 5:12

Mumu muze te ha mukunda wa miaka Chanutamba kupwa alongeshi, chinatambe umwe kunulongesa uputukilo wa maliji a Zambi; hinwapwa waze chaatamba kutambula yamwa, hi kulia cha tachi ko.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.