Yilinga 7:35 - MUKANDA USANDU WA ZAMBI 1975

³⁵ Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa.

Mukanda Wa Zambi 1970

³⁵ “Yono mwe Mose yoze Aisraele alitunyine ngwo: ‘Ena, iya wakupwishile ngaji ni mukwa kutuyla?’ Mwenawo atumine Zambi kuli kanganda ka mwilu yoze wamusolokelelele mu chibuta ha kubwa mukwa kuyula ni mukwa kukula:

Yilinga 7:35 Iomraidhean Croise

Miaso (Masamu) 75:7

Alioze Zambi iye Chipatula-milonga, malelesa umwe, manangamisa mukwo.

Miaso (Masamu) 77:20

Watwalile atu je ngwe chendo cha yimuna, ku kwoko lia Mose ni Arone.

Kutuhuka 14:19

Mungelo wa Zambi yoze watetekelele chendo cha A-Izalele yatutuluka, yaya kunyima lio mba lie nguji lia lelwa yilikatuka kulutwe lio, yilimana kunyima lio.

Kutuhuka 14:24

Kumanyi haze ha kufulafula ni kucha—ku nguji lia kahia ni ku nguji lia lelwa Yehova watalile ku chizavu cheswe cha A-Engitu. Iye yatalisa chendo cheswe cha A-Engitu.

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Kutuhuka 33:2

Mungukatuma mungelo kumeso je, (mumu mungukahuma mu chifuchi A-Kanana, ni A-Amore, ni A-Hete, ni A-Perize, ni A-Hevwe, ni A-Yepushe)

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Marku 12:26

Alioze ha kutwala kuli afu ha uhindukilo wo, kunwatangile mu mukanda wa Mose, nyi? Mu chihanda cha kutwala ku chiputa, ngwe chize Zambi ahanjikile kuli iye ngwenyi, Yami nguli Zambi ya Apalahama, ni Zambi ya Izake, ni Zambi ya Yakomba?

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Yoano 18:40

O akololokele kashika cheka nawa ngwo, Hi yono ko, alioze Mbarapa. Achi Mbarapa wapwile muhuza.

Yoano 19:15

O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare.

Yilinga 2:36

Kashika, akwa zuwo lieswe lia Izalele anyingike chamwenemwene ngwo, Yono Yesu, nwamuhachilile ha kulusu, Zambi hanamupwisa ni Mwene ni Kristu.

Yilinga 3:22

Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu.

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

Yilinga 7:30

Muze makumi awana a miaka amanunukine, mungelo wa Mwene wasolokele kuli iye mu puya ya mulundu wa Sinai, mu mulengi wa kahia mu chiputa.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Hebreu 2:2

Mumu kachi liji alihanjikile mu makanwa ja angelo liakolele, ni Utanguko weswe ni uhulia weswe watambwile fweto ya kulita;

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

1 Samuel 10:27

Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.

1 Samuel 12:8

Muze Yakomba wayile ku Engitu ni tulamba twenu atetele kuli Yehova henaho Yehova yatuma Mose ni Arone. O yachiza tulamba twenu ku Engitu, yaatungisa mu chifuchi chino.