Yilinga 7:25 - MUKANDA USANDU WA ZAMBI 1975

²⁵ Iye washinginyekene ngwe usoko wenyi manyingika ngwo, Zambi maalamwina ku kwoko Henyi; alioze kachinyingikine.

Mukanda Wa Zambi 1970

²⁵ Mose yanyonga ngwenyi, usoko wenyi maanyingika ngwo, Zambi maakula ni kwoko ha Mose, alioze ayo kaachinyingikine ko.

Yilinga 7:25 Iomraidhean Croise

1 MIANANGANA 5:1

Achi Naamane, kapitau ka tujita twa mwanangana wa Seria, iye mutu munene kumeso ja mwata wenyi, ni mulemu nawa, mumu kuli iye Yehova te hanakumbisa A-Seria; iye chitakame, mukwa hamu nawa, alioze mukwa mbumba.

Miaso (Masamu) 106:7

Yikomokeso ye mu Engitu kuyalumbunukine kuli akaka. Kewulukile kulumbama cha utu wa zango lie, alioze akolemene ku Kalunga-lwiji, ewa ku Kalunga-lwiji Muchila.

Kutuhuka 2:12

Yakengesa sali ni sali mba muze hamona te mutu wakuhi, yashiha mwe Ka-Engitu. Yamusweka mu masekeseke.

Marku 9:32

Alioze kanyingikine liji lino, evwile woma kumuhula.

Luka 18:34

Alioze maliji ano kaalumbunukine: ni liji lino liaswamine kuli ayo, kanyingikine chize ambile.

Luka 9:45

Alioze kanyingikine liji lino, liahengamine kuli ayo, chocho kahashile kuchimona, o evwile woma kumuhula ha liji lino.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 15:4

Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 15:7

Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Yilinga 21:19

Muze te haameneka, wambulwile chimwe ha chimwe yuma yize alingile Zambi hakachi ka akwa mavungu ku uvumbiko wenyi.

Yilinga 7:24

Iye, ha kumona umwe amulingile chipi, waakandunwine, wakalile yoze wamwene lamba, walambile Ka-Engitu.

Yilinga 7:26

Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?

A-ROMA 15:18

Mumu chichi kahamuka kuhanjika ha yuma niyimwe shina yize alingile Kristu ku moko jami, mukwononwesa akwa mavungu ku maliji ni ku yitanga,

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

1 Korintu 3:9

Mumu tuli akwa milimo-ni-akwo ja Zambi, yenu nuli ulime wa Zambi, chitunga cha Zambi.

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.

Akwa Kuyula 15:12

Yamba kuli iye ngwo, Hituneza mukukukasa, tukakukunjike mu moko ja A-Filistea. Samasone yamba kuli ayo ngwenyi, Lakenyenu kuli yami ni shingo ngwenu, Yetwene kutuchi kukushiha.

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.

1 Samuel 19:5

Mumu wanjilile mu Utoji ni kushiha mwe Ka-Filistea mba Yehova walingile kukumba chinene hali A-Izalele. Ni yena kuwachimwene, yiuwahilila, kashika kuchi te muvulumuna manyinga keshi mulonga ukashihe David, chitela chakuhi?